قازاقستان فۋتبول فەدەراتسياسى جەلىدە تارالعان ستانيسلاۆ چەرچەسوۆتىڭ قىزمەتىنەن كەتۋى تۋرالى اقپاراتتاردىڭ شىندىققا جاناسپايتىنىن مالىمدەدى, دەپ حابارلايدى Egemen.kz.
«فۋتبولدان قازاقستان ۇلتتىق قۇراماسىنىڭ باس باپكەرى ستانيسلاۆ چەرچەسوۆتىڭ قىزمەتىنەن كەتۋى تۋرالى كەيبىر بۇقارالىق اقپارات قۇرالدارىندا جاريالانعان اقپارات شىندىققا جاناسپايدى. قازىرگى تاڭدا ستانيسلاۆ چەرچەسوۆ ۇلتتىق قۇرامانىڭ باس باپكەرى قىزمەتىن جالعاستىرىپ, قازاقستان فۋتبول فەدەراتسياسىمەن كەلىسىمشارت بويىنشا جۇمىس ىستەيدى», دەلىنگەن رەسمي حابارلامادا.
قازاقستان فۋتبول فەدەراتسياسىنىڭ ءباسپاسوز قىزمەتى تەك رەسمي اقپارات كوزىنە, فەدەراتسيانىڭ رەسمي سايتى مەن الەۋمەتتىك جەلىلەرىندە جاريالانعان اقپاراتقا سەنۋگە شاقىرادى.