ورال. 17 ماۋسىم. بۇگىن ورال قالالىق سوتى باتىس قازاقستان وبلىستىق كولىكتىك باقىلاۋ ينسپەكتسياسىنىڭ قىزمەتكەرىنە قاتىستى ەكى اي مەرزىمگە قاماۋعا الۋ تۇرىندەگى بۇلتارتپاۋ شاراسىن قولدانۋ جونىندە سانكتسيا بەردى. بۇل تۋرالى «قازاقپاراتقا» سىلتەمە جاساعان egemen.kz ءتىلشىسى حابارلادى.
وبلىستىق سوتتىڭ ءباسپاسوز قىزمەتىنەن تۇسكەن مالىمەتكە قاراعاندا, الدىن الا تەرگەۋ ورگاندارى كولىكتىك باقىلاۋ ينسپەكتسياسىنىڭ باس مامانى ت-نى رەسپۋبليكالىق ماڭىزى بار كۇرە جولداعى كولىك باقىلاۋ بەكەتتەرىنەن اۆتوكولىكتەردى كەدەرگىسىز وتكىزۋ جانە جالپى قامقورشىلىق جاساۋ ءۇشىن ي. دەگەن ازاماتتان 900 مىڭ تەڭگە پارا الدى دەپ ايىپتاپ وتىر.
قازىرگى كەزدە قازاقستان رەسپۋبليكاسى قىلمىستىق كودەكسىنىڭ 366-بابى 3-ءبولىمى 2-تارماعىنا سايكەس قىلمىستىق ءىس قوزعالىپ, تەرگەۋ امالدارى جۇرگىزىلۋدە.
تەمىر قۇسايىن.
دەرەك: egemen.kz.
سۋرەت: glavpost.com.