ريددەر قالاسىنداعى جىلۋ-ەلەكتر ورتالىعىندا (جەو) جارىلىس بولدى, دەپ حابارلايدى Egemen.kz ريددەر قالاسى اكىمدىگىنىڭ ءباسپاسوز قىزمەتىنە سىلتەمە جاساپ.
«2024 جىلدىڭ 21 جەلتوقسانىندا تاڭعى ساعات 4:39-دا ريددەر جەو-نىڭ لەنتالى كونۆەيەر ۋچاسكەسىندە گاز-اۋا قوسپاسى جارىلدى. جارىلىس ناتيجەسىندە ءورت شىقپاعان. بۇل وقيعا جوسپارلى جوندەۋ-مونتاجداۋ جۇمىستارى كەزىندە بولعان», دەپ جازىلعان حابارلامادا.
اكىمدىكتىڭ مالىمدەۋىنشە, «ريددەر جەو» شتاتتىق رەجيمدە جۇمىسىن جالعاستىرىپ جاتىر, ال قالا تۇرعىندارىنىڭ ۇيلەرىندەگى تەمپەراتۋرا قالىپتى. وقيعا بولعان ساتتە سىرتقى اۋا تەمپەراتۋراسى مينۋس 4 گرادۋس بولعان.
«شىعىس جىلۋ» اق ماماندارى جىلۋ جۇيەسىن تەكسەرۋ جانە رەتتەۋ جۇمىستارىن جۇرگىزىپ جاتىر. وسىعان بايلانىستى جۇيەدەگى قىسىم ۋاقىتشا ازداپ تومەندەۋى مۇمكىن», دەلىنگەن حابارلامادا.
شىعىس قازاقستان وبلىسىنىڭ اكىمى ەرمەك كوشەرباەۆ وقيعا ورنىنا بارىپ, جاعدايدى باقىلاۋعا الدى. اكىمنىڭ ايتۋىنشا, جارىلىس سالدارىنان التى ادام زارداپ شەككەن.
View this post on Instagram