رەسپۋبليكالىق بيۋدجەتتەن بولىنگەن قارجى ەسەبىنەن تالعاردا 50 وتباسى جاڭا پاتەرلەرىنە كوشىپ, باسپانا قۋانىشىنا بولەندى. بۇل جوبا قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگىنىڭ جانە تالعار اۋدانى قۇرىلىس بولىمىمەن بىرلەسكەن جۇمىسىنىڭ ناتيجەسىندە جۇزەگە استى.
جاڭا قونىستانۋشىلار اراسىندا 10 جەتىم بالا مەن اتا-اناسىنىڭ قامقورلىعىنسىز قالعان بالالار بار, ولارعا جايلى جاعدايدا دەربەس ءومىر باستاۋ مۇمكىندىگى بەرىلدى. تاعى 10 پاتەر كوپبالالى وتباسىلارعا, سونىڭ ىشىندە «التىن القا», «كۇمىس القا», «انا داڭقى» I جانە II دارەجەلى وردەندەرىمەن ماراپاتتالعان, «باتىر انا» اتاعىن العان انالارعا بەرىلدى. قالعان 30 پاتەردى ءوز باسپاناسىنا قول جەتكىزۋدە قيىندىق كورىپ جۇرگەن تۇرعىندار يەلەندى.
«بۇگىن ءبىز ءۇشىن ەرەكشە كۇن. ءبىز تەك پاتەردىڭ كىلتىن الىپ قانا قويماي, جاڭا ومىرگە قادام باسقاندايمىز. بۇل قولداۋ – قيىن جاعدايعا تاپ بولعان ادامدار ءۇشىن شىنايى كومەك. بۇدان بىلاي ءوزىمىزدىڭ جاڭا ۇيىمىزدە باقىتتى بولىپ, بولاشاققا سەنىممەن قارايتىنىمىزعا قۋانىشتىمىز. باعدارلاما تەك بىزگە عانا ەمەس, باسقا دا كومەككە مۇقتاج وتباسىلارعا دا قولداۋ كورسەتەدى دەپ سەنەمىز» دەپ اتاپ ءوتتى كوپبالالى انا مايرا بايمۇرزاەۆا.
بۇل باستاما تەك تۇرعىن ءۇي ماسەلەسىن شەشىپ قانا قويماي, اۋداننىڭ الەۋمەتتىك تۇراقتىلىعى مەن ادىلەتتىلىگىن نىعايتۋعا ىقپال ەتەدى. جىل سوڭىنا دەيىن الەۋمەتتىك وسال توپتار قاتارىنداعى كەزەكتە تۇرعاندارعا ارنالىپ تاعى 47 پاتەر ساتىپ الۋ جوسپارلانعان.
«الەۋمەتتىك تۇرعىدان قورعالماعان توپتار ءۇشىن تۇرعىن ءۇي ماسەلەسىن شەشۋ – ءبىزدىڭ باستى مىندەتىمىز. جاڭا پاتەر يەلەرىن قۋانىشتارىمەن قۇتتىقتايمىن. الداعى التى ايدا تالعار اۋدانىندا 450-دەن استام پاتەر پايدالانۋعا بەرىلەدى», دەدى پاتەر كىلىتىن تابىستاعان تالعار اۋدانىنىڭ اكىمى تانات ايداربەكوۆ.
الماتى وبلىسى