نەگىزگى اڭگىمەمىزدىڭ باستى كەيىپكەرى جاننا-ماري ۆەبەردىڭ اتا-بابالارى گەرمانيادان رەسەيگە ءى پەتر پاتشالىق ەتكەن زاماندا قونىس اۋدارىپ, ودان سوڭ قازاقستانعا كەلىپ تۇراقتايدى.
جاننا-ءماريدىڭ اكەسى الەكساندر ۆەبەر نەمىس ۇلتىنان بولسا, اناسى عاليا توقتامقىزى قازاق, وسى جىمپيتىنىڭ تۋماسى ەكەن.
ج.ۆەبەر ق.مىرزاليەۆ اتىنداعى جىمپيتى ورتا مەكتەبىنىڭ تۇلەگى. وتباسىندا, مەكتەپتە قازاق تىلىندە مايىن تامىزا سويلەي بىلەتىن ول كەزىندە مارقۇم اكەسى الەكساندر اناتولەۆيچتىڭ كوڭىلىن ەداۋىر ءوسىرىپ, مارقايتىپ تاستايتىندىعى دا راس-تى.
ج.ۆەبەر ەڭبەك جانە الەۋمەتتىك قاتىناستار اكادەمياسىنىڭ زاڭ فاكۋلتەتىن, م.وتەمىسوۆ اتىنداعى بقمۋ-ءدىڭ پەداگوگيكا جانە پسيحولوگيا ءبولىمىن بىتىرگەن بىلدەي مامان.
ەڭبەك جولىن اۋداندىق احاج بولىمىندە «اق وتاۋ» قازىنالىق مەكەمەسىنىڭ ديرەكتورلىعىنان باستاعان نەمىس قىزى بۇگىندە سىرىم اۋداندىق سوتىنىڭ كەڭسە مەڭگەرۋشىسى قىزمەتىن اتقارادى.
ۇلتى نەمىس بولسا دا ءوزىن قازاق وكىلى رەتىندە سانايتىن جاننا-ماري الەكساندروۆنا وتباسىندا قازاق, نەمىس ۇلتىنىڭ تاعامدارىن ءتىل ۇيىرەتىندەي ەتىپ دايىنداۋعا ءمان بەرەدى. سونداي-اق, ول قازاق ءتىلىنىڭ مارتەبەسىن كوتەرۋ, ناسيحاتتاۋ باعىتىندا وزىندىك بىلىكتىلىگىن, زەرەكتىلىگىن تانىتىپ, كەيبىر «مەن قازاقپىن» دەپ كەۋدە سوعاتىنداردىڭ ءوزىن تاڭ-تاماشا قالدىرادى.
وسى تۇرعىدا ايتا كەتەرلىك جايتتىڭ ءبىرى – قازاق تىلىندە ەركىن, مايىن تامىزا سويلەيتىن جاننا-ماري «ءتىل – تاتۋلىق تىرەگى» اتتى قۇقىق قورعاۋ ورگاندارى جانە باسقا دا مەملەكەتتىك ورگاندار قىزمەتكەرلەرى اراسىندا وتكىزىلگەن بىلتىرعى رەسپۋبليكالىق بايقاۋدا جۇلدەلى 3-ورىنعا يە بولىپ باس پروكۋرور ا.داۋىلباەۆتىڭ قولىنان «العىس حات» السا, «مەملەكەتتىك ءتىل – مەرەيىم» اتتى وبلىستىق بايقاۋدا ەكىنشى دارەجەلى ديپلوممەن ماراپاتتالدى.
مەملەكەتتىك ءتىلدىڭ مەرەيىن حالىق اراسىندا كەڭىنەن ناسيحاتتاۋ, ياعني ءوزىن ءوزى تانىستىرۋ, ماقال-ماتەلدەر ايتۋ, ءان, ولەڭ-جىر سايىستارىندا الدىنا قارا سالىپ كورمەگەن ج.ۆەبەر – وبلىستىق سوت, اۋدان اكىمدىگى تاراپىنان قۇرمەت گراموتاسى, العىس حاتتارعا بىرنەشە دۇركىن قاتارىنان يە بولعان جان.
– قازاقستان مەن ءۇشىن ىستىق. ەلىمىزدەگى ءتۇرلى ەتنوس وكىلدەرى بىرلىك, دوستىق جاعدايىندا ءومىر سۇرۋدە. ءوزىم قازاقستان حالقى اسسامبلەياسىنىڭ مۇشەسى رەتىندە ءتۇرلى شارالارعا قاتىسىپ, بىرلىك, بەيبىتشىلىك, قوعامدىق كەلىسىم سياقتى باستى قۇندىلىقتاردى ناسيحاتتاۋعا وزىندىك ءۇن قوسۋدامىن, – دەيدى ج.ۆەبەر اڭگىمە اراسىندا.
جاننا-ءماريدىڭ ۇلى رادجان ءوزىنىڭ جولىن قۋعان زاڭگەرلىك سالادا بولسا, مارقۇم اتاسىنىڭ ەسىمىن يەلەنگەن ۇلى الەكساندر اقىن ق.مىرزاليەۆ اتىنداعى مەكتەپتىڭ 4-سىنىبىندا وقيدى.
جاننا-ماري الەكساندروۆنا بيىلعى جىلدىڭ قازاقستان حالقى اسسامبلەياسى جىلى بولىپ جاريالانۋىن قۋاتتاي وتىرىپ, ەلدەگى كوپۇلتتى حالىق اراسىنداعى دوستىقتىڭ نىعايا بەرەتىندىگىنە بەك سەنىمدى.
مۇسىربەك ايتاشەۆ.
باتىس قازاقستان وبلىسى,
سىرىم اۋدانى.