استانا قالاسىنىڭ قىلمىستىق ىستەر جونىندەگى اۋدانارالىق سوتى «قازاۆتوجول» ۇك» اق-نىڭ بۇرىنعى توراعاسى مەن باس مەردىگەرگە قاتىستى «جاقسى-ەسىل-بۋزۋلۋك» اۆتوجولىن كۇردەلى جوندەۋگە, سونىڭ ىشىندە ەسىل وزەنى ارقىلى وتەتىن كوپىردى سالۋعا بولىنگەن 200 ملن تەڭگە كولەمىندە مەملەكەت قاراجاتىن جىمقىرعانى ءۇشىن ۇكىم شىعاردى, دەپ حابارلايدى Egemen.kz باس پروكۋراتۋرانىڭ ءباسپاسوز قىزمەتىنە سىلتەمە جاساپ.
كەلىسىمشارتتىڭ بۇزۋشىلىقتارمەن جاسالعاندىعى جانە بەرىلگەن اۆانستىڭ ىسىراپ ەتىلگەندىگى دالەلدەنگەن. جوبا بويىنشا جۇمىس باستالماعان.
«سوتتالۋشىلار 8 جىلعا باس بوستاندىعىنان ايىرىلدى. سونىمەن قاتار سوت مەملەكەتكە كەلتىرىلگەن زالالدى ءوندىرىپ الدى», دەلىنگەن حابارلامادا.
سوت ۇكىمى زاڭدى كۇشىنە ەنگەن جوق.