«اۋىل اماناتىنىڭ» ۇزدىك قاتىسۋشىلارى انىقتالدى

ءوز سوزىندە ە.قوشانوۆ وسى كۇنى حالىقتىڭ شامامەن 40%-ى اۋىلدىق جەرلەردە تۇراتىنىن, سوندىقتان پرەزيدەنت قاسىم-جومارت توقاەۆ ءوزىنىڭ سايلاۋالدى باعدارلاماسىن­دا اۋىل تۇرعىندارىنىڭ تۇرمىس جاع­دايىن جاقسارتۋ جانە ءال-اۋقاتىن ارتتىرۋ ماسەلەسىنە ەرەكشە نازار اۋدارعانىن اتاپ ءوتتى.

«مەملەكەت باسشىسىنىڭ تاپسىرماسى بويىنشا «Amanat» پارتياسى ەل يگىلىگى ءۇشىن بەلسەندى جۇمىس ىستەپ جاتقان «اۋىل اماناتى» جوباسىن ىسكە قوستى. بيىل ءبىزدىڭ پارتيا جوباعا قاتىسۋشىلار اراسىنداعى ۇزدىك شارۋاشىلىقتار مەن كووپەراتيۆتەردى جۇرتقا كور­سەتۋ ءۇشىن ارنايى بايقاۋ وتكىزدى. ولاردىڭ تاجىريبەسى بولاشاق­تا «اۋىل اماناتى» جوباسىن جەتىل­­­­دى­رۋ ءۇشىن پايدالانىلادى. پرەزيدەنت ايتقانداي, جاھاندانۋ داۋىرىندە حالىقتى ساقتاۋ ءۇشىن, ەڭ الدىمەن, اۋىلدى ساقتاۋىمىز كەرەك. سوندىق­تان بايقاۋ اياسىندا ءبىز اۋىل ومىرى­نە ەرەكشە نازار اۋدارۋدى كوزدەدىك. اۋىل – ءبىزدىڭ التىن بەسىگىمىز, مادە­نيەتىمىزدىڭ, ءداستۇرىمىزدىڭ جانە رۋحاني ءومىرىمىزدىڭ سارقىلماس قاينارى. اۋىلعا دەگەن قامقورلىق – ارقايسىمىزدىڭ وتكەنگە, بۇگىن­گە جانە بولاشاققا دەگەن قامقور­لىعىمىز», دەدى ول.

سونىمەن قاتار ە.قوشانوۆ مەملەكەت تاراپىنان جۇيەلى نازار اۋدارۋدى تالاپ ەتەتىن بىرقاتار وزەكتى ماسەلەنى اتاپ ءوتتى. بۇل – اۋىلداردىڭ ينفراقۇرىلىمىن دامىتۋ, اۋىل تۇرعىندارى ءۇشىن كەپىلسىز «تاۋارلىق نەسيە» ەنگىزۋ, اۋىلدىق وكرۋگتەر بيۋدجەتىنىڭ كىرىس بازاسىن ارتتىرۋ جانە تاعى باسقا.

ءوز كەزەگىندە ۆيتسە-پرەمەر ت.دۇيسەنوۆا «اۋىل اماناتى» جوباسى ىسكە قوسىلعان ساتتەن باستاپ 16 مىڭعا جۋىق اۋىل تۇرعىنى جەكە كاسىبىن باستاۋ ءۇشىن 2,5% جەڭىلدىكپەن شاعىن نەسيە العانىن, بۇل 17 مىڭنان اسا جۇمىس ورنىن قۇرۋعا مۇمكىندىك بەرگەنىن ايتتى. سونداي-اق ول قازىر شاعىن نەسيە الۋشىلار وندىرەتىن ءونىمدى وتكىزۋدى جولعا قويۋعا ەرەكشە نازار اۋدارۋ كەرەك ەكەنىن اتاپ ءوتتى.

ال پرەمەر-ءمينيستردىڭ كەڭەس­شىسى ە.توعجانوۆ جوبا اۋىلداعى جۇمىسسىزدىق دەڭگەيىن ايتارلىق­تاي تومەندەتۋگە ارنالعانىن اتاپ ءوتتى. سوندىقتان جوبانىڭ بارلىق ارتىقشىلىعى تۋرالى تۇرعىنداردى دۇرىس اقپارات­تاندىرۋ ماڭىزدى. ول ەلىمىزدىڭ بارلىق وڭىرىنەن بايقاۋعا قاتىسۋ ءۇشىن 250-دەن اسا ءوتىنىم كەلىپ تۇسكەنىن اتاپ ءوتتى. قازىلار القاسىنىڭ شەشىمىمەن 30 ءوتىنىم 10 اتالىم بويىنشا جۇلدەلى ورىندارعا يە بولدى.

ماسەلەن, باتىس قازاقستان وبلىسى قوسكول اۋلىنىڭ تۇرعىنى دامير قادىروۆ «ۇزدىك كووپەراتيۆ» اتالىمىن جەڭىپ الدى. «ۇزدىك جقش» اتالىمى بويىنشا ءبىرىنشى ورىن ماڭعىستاۋ وبلىسى اقشۇقىر اۋلىنان الەكساندرا گريگولوۆاعا بۇيىردى. اقتوبە وبلىسى سارجاناي اۋلىنىڭ اكىمى مەدەت بەكجانوۆ ۇزدىك اۋىل اكىمى اتاندى. «ۇزدىك تاۋار كرەديتورى» اتالىمىندا اقتوبە وبلىسى بايقادام اۋلىنىڭ تۇرعىنى ايگۇل تولەۋوۆا جەڭىسكە جەتتى. ۇزدىك ءسۇت ءونىمى ءۇشىن ءبىرىنشى ورىن اباي وبلىسى قاراسۋ اۋلىنىڭ تۇرعىنى داريان جانبولاتوۆاعا بۇيىردى. قىزىلوردا وبلىسى تاسبوگەت كەنتىنىڭ تۇرعىنى گۇلزيرا ەرنيازوۆا ەت ونىمدەرىن ۇزدىك ءوندىرۋشى اتاندى. «ۇزدىك اسپازدىق ءونىم» اتالىمى بويىنشا ءبىرىنشى ورىندى جەتىسۋ وبلىسى قاراشوقى اۋلىنىڭ تۇرعىنى نازگۇل شوقانوۆا يەلەندى. الماتى وبلىسى قاراكەمەر اۋلىنىڭ ازاماتى ومار ليمتونوۆ «ۇزدىك كوكونىس-باقشا جانە جيدەك-جەمىس ونىمدەرى» اتالىمى بويىنشا جەڭىمپاز اتاندى. اۋىلداعى ۇزدىك اگرارلىق ەمەس جوبا ءۇشىن ءبىرىنشى ورىن دەمالىس ءۇيىن اشىپ, كاسىبىن وركەندەتىپ وتىرعان شىعىس قازاقستان وبلىسى جاڭا ءۇلبى اۋلىنىڭ تۇرعىنى جاننا ابۋعاليگە بەرىلدى. ال باتىس قازاقستان وبلىسى دارينسك اۋلىنىڭ تۇرعىنى سەرگەي كاۆەرين «ۇزدىك قايتا وڭدەۋ كاسىپورنى» اتالىمىن جەڭىپ الدى. سونىمەن قاتار قىزىلوردا وبلىسى بەسارىق اۋلىنىڭ كاسىپكەرى مۇرات سارسەنباەۆ جوباعا قولداۋ بىلدىرگەنى ءۇشىن العىسحاتپەن ماراپاتتالدى.

بايقاۋعا قاتىسۋشىلار «اۋىل اماناتى» جوباسى – مەملەكەت­تىڭ ەڭبەك ادامىنا دەگەن قامقور­لىعىنىڭ جارقىن ۇلگىسى, اۋىل تۇرعىن­دارىنىڭ تابىسىن ارتتىرۋ­دىڭ قاراپايىم ءارى تۇسىنىكتى قۇرالى ەكەنىن اتاپ ءوتتى. ولار مەملەكەت باسشىسىنا جانە «Amanat» پارتياسىنا كورسەتىلگەن قولداۋ ءۇشىن العىس ءبىلدىردى.

سونداي-اق بەسارىق اۋلىندا «اۋىل اماناتى» اياسىندا وندىرىلگەن اۋىل شارۋاشىلىعى ونىمدەرىنىڭ كور­مەسى ءوتتى. بيىل اۋىلدا اتالعان جوبا اياسىندا ۇلكەن وندىرىستىك ورتا­لىق سالىندى. وندا كارتوپتان جا­سالعان فري, ناۋبايحانا, كوندي­تەر­لىك تسەح, سونداي-اق جارتىلاي دا­ي­ىن ونىمدەر, پلاستيك ىدىس-اياق­تار, جۇمىسشىلارعا ارنالعان قول­عاپتار, سابىن, ش ۇلىق جانە اعاش بۇ­يىم­دار شىعاراتىن كاسىپورىندار ءوز جۇ­مى­سىن باستادى. سونداي-اق «قىزىل­وردا» سۋپەرماركەتى مەن كافە اشىلدى.

وسى كۇنى «Amanat» پارتياسى­نىڭ تو­راعاسى مەملەكەت باسشىسى­نىڭ تاپ­سىرماسى بويىنشا اشىل­عان قىزىلوردا قالاسىنىڭ «قورقىت اتا» اۋەجايىنداعى جاڭا تەرمينال­دىڭ جۇمىسىمەن تانىستى.