«ءۇش جىلدان بەرى وسى «تانكىلەردى» جيناۋدامىن. جالپى, اسكەري تەحنيكاعا قۇمارلىعىم بالا كۇنىمنەن باستاۋ الدى. ارمانىم – تانك تىزگىنىن ۇستاۋ ەدى. سوندىقتان «رۋسسكيە تانكي» اتتى جۋرنالعا جازىلىپ وقۋدامىن. ەكى اپتادا ءبىر رەت تالدىقورعانعا ۇيىمە كەلەتىن سول جۋرنالمەن بىرگە ءتۇرلى تانكىلەردىڭ ماكەتى دە قولىما تيەدى» دەيدى كوللەكتسيونەر – وڭىرلىك «ءبىلىم شاپاعاتى», «جاردەم» گازەتتەرىنىڭ باس رەداكتورى نۇرىم نۇرلىبەكوۆ.
«ت-34» ماركالى «جەڭىس» تانكىسى, 1-ءشى ۋكراينا مايدانىنا قاتىسىپ 1945 جىلى بەرلينگە دەيىن جەتكەن «يس-2», ايگىلى «كاتيۋشا», ءبىرىنشى گازبەن جۇرەتىن «ت-80» بارلىعى 52 دانا بۇل «تانكىلەر بۇگىندە تالدىقورعاندا ساقتالىپ تۇر. كورگەن جاننىڭ كوزى تويىپ, كوڭىلى سەرپىلەدى.
نۇربول الدىباەۆ,
«ەگەمەن قازاقستان».
تالدىقورعان.