قر ونەركاسىپ جانە قۇرىلىس مينيسترلىگى گەولوگيا كوميتەتىنىڭ توراعاسى ەرلان اقباروۆتىڭ ايتۋىنشا, سوڭعى ەكى جىلدا قازاقستاننىڭ مينەرالدىق-شيكىزاتتىق بازاسى ايتارلىقتاي كەڭەيدى, دەپ حابارلايدى Egemen.kz.
«گەولوگيالىق بارلاۋ جۇمىستارىنىڭ ناتيجەلەرى بويىنشا 2023-2024 جىلدارى مەملەكەتتىك ەسەپكە العاش رەت مىناداي كەن ورىندارى قويىلدى: قاتتى پايدالى قازبالار — 27, كومىرسۋتەك شيكىزاتى — 10, جەراستى سۋلارى — 23. سونداي-اق پايدالى قازبالاردىڭ مىناداي تۇرلەرى بويىنشا رەسۋرستار مەن قورلاردىڭ ءوسىمى الىندى: التىن - 522 توننا, كۇمىس - 281 مىڭ توننا, حروم كەندەرى - 2 383 مىڭ توننا, ۋران - 44 مىڭ توننا, مىس — 12 893,6 مىڭ توننا, فوسفوريت كەندەرى - 82 ميلليون توننا, مۇناي - 277 ميلليون توننا, گاز — 113 ميلليارد تەكشە مەتر, كوندەنسات — 1,9 ميلليون توننا, جەر استى سۋلارى — 155,8 مىڭ تەكشە مەتر», دەدى ەرلان اقباروۆ.
ەرلان اقباروۆ اتاپ وتكەندەي, قازاقستاننىڭ مينەرالدى-شيكىزات بازاسىنا قاتتى جانە كەڭ تارالعان پايدالى قازبالار, كومىرسۋتەكتەر مەن جەر استى سۋلارىنىڭ كەن ورىندارى كىرەدى. جالپى العاندا, مەملەكەت بالانسىندا قاتتى پايدالى قازبالاردىڭ 987-دەن استام كەن ورنى بار, ونىڭ ىشىندە 355-ءى كومىرسۋتەگى, 987-ءى قاتتى پايدالى قازبالار, 3666-سى كەڭ تارالعان پايدالى قازبالار جانە 4540-ى جەر استى سۋلارى.