ەكىباستۇزدا 10 جاستاعى بالا جىلۋ قۇبىرىنىڭ تەسىگىنەن اققان ىستىق سۋعا كۇيىپ قالعان. اتالعان وقيعا بويىنشا قىلمىستىق ءىس قوزعالدى, دەپ حابارلايدى Egemen.kz.
دەنەسىن كۇيىك شالعان 10 جاستاعى مەكتەپ وقۋشىسى جانساقتاۋ بولىمىنە تۇسكەن. بالانىڭ ايتۋىنشا, فۋتبول ويناپ جاتقاندا دوپ جىلۋ تراسساسىنا ءتۇسىپ كەتكەن. ونى شىعارۋعا ارەكەتتەنگەن بالا جىلۋ تراسساسىنا قۇلاپ, كۇيىك العان.
«وقيعانىڭ ءمان-جايى مەن سەبەپتەرى تەرگەۋ بارىسىندا انىقتالادى», دەلىنگەن حابارلامادا.
پاۆلودار وبلىسىنىڭ دەنساۋلىق ساقتاۋ باسقارماسى حابارلاعانداي, بالانىڭ دەنەسىنىڭ 20 پايىزىن كۇيىك شالعان.