بۋحارەستتە وتكەن XXI حالىقارالىق جاسوسپىرىمدەر اراسىنداعى جاراتىلىستانۋ-عىلىمي وليمپياداسى (IJSO) اياقتالدى. ءبىلىم دوداسىندا قازاقستان اتىنان سىنعا تۇسكەن 6 وقۋشى دا جۇلدەگە قول جەتكىزدى, دەپ جازادى Egemen.kz.
IJSO حالىقارالىق جاراتىلىستانۋ-عىلىمي وليمپياداسىنا الەمنىڭ 60 ەلىنەن 360-تان استام وقۋشى قاتىسقان. ويى جۇيرىك وقۋشىلار فيزيكا, حيميا جانە بيولوگيا پاندەرى بويىنشا بىلىمدەرىن سىنادى.
قازاقستان قۇراماسى ساپىندا ايزەرە جەڭىسحانوۆا – وسكەمەن قالاسىنداعى حبن نزم-ءنىڭ 10-سىنىپ وقۋشىسى, ءادىل جيەنباەۆ – الماتى قالاسىنداعى رفمم-ءنىڭ 10-سىنىپ وقۋشىسى, اناستاسيا پونومارەۆا – استانا قالاسىنداعى رفمم-ءنىڭ 9-سىنىپ وقۋشىسى, ءابدىجان يبرايموۆ – استانا قالاسىنداعى «NURORDA» مەكتەپ-ليتسەيىنىڭ 9-سىنىپ وقۋشىسى, مۇنار ساعىمباي – الماتى قالاسىنداعى رفمم-ءنىڭ 10-سىنىپ وقۋشىسى,ء اليحان ىسكەندىر – اقتوبە وبلىستىق دارىندى بالالارعا ارنالعان ء«بىلىم-يننوۆاتسيا» ليتسەي-ينتەرناتىنىڭ 9-سىنىپ وقۋشىسى بولدى.
ايزەرە جەڭىسحانوۆا مەن ءادىل جيەنباەۆ IJSO -نىڭ كۇمىس جۇلدەسىن ەنشىلەسە, قالعان 4 ءبىلىم الۋشى قولا جۇلدەنى قازاقستان قورجىنىنا سالىپ 100 پايىز ناتيجە كورسەتتى.
ءبىلىمپازدار توبىنا سامات مۇراتبەك ۇلى ماقسۇتوۆ – PhD دوكتورى, SDU دوتسەنتى, ايدوس بەكزات ۇلى سارسەنباي – ش. ەسەنوۆ اتىنداعى كاسپي تەحنولوگيالار جانە ينجينيرينگ ۋنيۆەرسيتەتىنىڭ ستۋدەنتى, حالىقارالىق جانە رەسپۋبليكالىق وليمپيادالاردىڭ جەڭىمپازى, مۇحاممەدالى عاني ۇلى – SDU ستۋدەنتى, حالىقارالىق جانە رەسپۋبليكالىق وليمپيادالاردىڭ جەڭىمپازى جەتەكشىلىك ەتكەن.
ايتا كەتەيىك, IJSO - 15 جاسقا دەيىنگى مەكتەپ وقۋشىلارىنا ارنالعان حالىقارالىق عىلىمي سايىس. بۇل وليمپيادا 2004 جىلدان بەرى وتكىزىلىپ كەلەدى. 2023 جىلى بانگكوكتا وتكەن جارىستا قازاقستان قۇراماسىنىڭ بارلىق التى قاتىسۋشىسى جۇلدەگەر اتانعان بولاتىن. بيىل دا وقۋشىلار استانادا ەكى اپتالىق وقۋ-جاتتىعۋ جيىندارىنان ءوتىپ, ەل نامىسىن ابىرويمەن قورعاي ءبىلدى.