«قازاقستان تەمىر جولى» ۇك» اكتسيونەرلىك قوعامى ۇلى جەڭىستىڭ 70 جىلدىق مەرەيتويىنا وراي 2015 جىلدىڭ 1 مامىرىنان 31 جەلتوقسانىنا دەيىن ۇلى وتان سوعىسىنىڭ ارداگەرلەرى مەن مۇگەدەكتەرى ءۇشىن جولاۋشىلار پويىزدارىندا ءداستۇرلى تەگىن جول ءجۇرۋ مۇمكىندىگىن ۇسىنادى.
مەرەكەلىك شارا اياسىندا مايدانگەرلەر تاۋەلسىز مەملەكەتتەر دوستاستىعى ەلدەرى اۋماعىندا تەمىرجول كولىكتەرىنىڭ بارلىق ساناتتارى مەن باعىتتارىندا (باراتىن ەلدى مەكەنگە دەيىن جانە كەرى قاراي) تەگىن جۇرە الادى. اتاپ ايتقاندا, ارداگەرلەر قالا ماڭى پويىزدارىمەن قاتار «تۇلپار-تالگو» پويىزدارىنىڭ «تۋريست» ۆاگوندارى مەن مۇمكىندىگى شەكتەۋلى ادامدارعا ارنالعان كۋپەلەردە دە تەگىن جۇرەدى.
تمد ەلدەرىنە ساپارلاۋ ءۇشىن بيلەتتەر قازاقستان رەسپۋبليكاسى اۋماعىندا ورنالاسقان تەمىرجول كاسسالارىندا رەسىمدەلەدى. ول ءۇشىن وزىمەن بىرگە جەكە كۋالىگى, سونىمەن قاتار, ۇوس ارداگەرى نەمەسە مۇگەدەگى تۋرالى كۋالىگىنىڭ تۇپنۇسقاسى مەن كوشىرمەسى بولۋى قاجەت.
بۇل تۋرالى قوسىمشا اقپاراتتى «جولاۋشىلار تاسىمالى» اق-تىڭ تەمىرجول كاسسالارى مەن تاۋلىك بويى جۇمىس ىستەيتىن «105» انىقتاما تەلەفونىنان الۋعا بولادى, دەپ حابارلادى «جولاۋشىلار تاسىمالى» اق ءباسپاسوز قىزمەتى.