قر پرەزيدەنتى اكىمشىلىگىنىڭ جانە قالالىق ءماسليحات دەپۋتاتتارىنىڭ كەلىسىمى بويىنشا ساران قالاسىنىڭ اكىمى بولىپ بۇرىن قاراعاندى وبلىسىنىڭ ونەركاسىپ جانە يندۋستريالىق-يننوۆاتسيالىق دامۋ باسقارماسىنىڭ باسشىسى قىزمەتىن اتقارعان دارىن بۇلقايىر تاعايىندالدى, دەپ حابارلايدى Egemen.kz وبلىس اكىمدىگىنىڭ ءباسپاسوز قىزمەتىنە سىلتەمە جاساپ.
جاڭا قالا باسشىسىن قالالىق ءماسليحاتتىڭ كەزەكتەن تىس سەسسياسىندا وبلىس اكىمى ەرماعانبەت بولەكپاەۆ تانىستىردى. دەپۋتاتتار كانديداتۋرانى ماقۇلدادى. ساران باسشىسىنا قالانى دامىتۋدىڭ باسىم مىندەتتەرى بەلگىلەندى.
«دارىن بەيبىت ۇلى قالا اكىمى لاۋازىمىندا وعان دەيىن باستالعان جوبالاردى جالعاستىرىپ, اياقتايتىنىنا جانە جاڭالارىن ىسكە اسىراتىنىنا سەنىمدىمىن, بۇل جەرگىلىكتى تۇرعىنداردىڭ ءومىر ءسۇرۋ ساپاسىنا جانە جالپى قالانىڭ ودان ءارى الەۋمەتتىك-ەكونوميكالىق دامۋىنا وڭ اسەر ەتەدى», دەدى قاراعاندى وبلىسىنىڭ اكىمى ەرماعانبەت بولەكپاەۆ
دارىن بۇلقايىر 2012 جىلدان باستاپ مەملەكەتتىك قىزمەتتە ىستەگەن. قاراعاندى قالاسى اكىمىنىڭ اپپاراتىندا مەملەكەتتىك-قۇقىقتىق ءبولىمىنىڭ باس مامانى بولىپ جۇمىس ىستەگەن.
2013 جىلدان 2015 جىلعا دەيىن «قاراعاندى قالاسىنىڭ تۇرعىن ءۇي قاتىناستارى ءبولىمى» مم باس مامانى, باسشىسىنىڭ ورىنباسارى بولعان.
سودان كەيىن قاراعاندى وبلىسىنىڭ ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىندا – باس مامان-زاڭگەر, بيۋدجەتتى اتقارۋ ءبولىمىنىڭ باس مامانى, مەملەكەتتىك ساتىپ الۋ جانە قۇقىقتىق جۇمىس ءبولىمىنىڭ باسشىسى بولىپ جۇمىس ىستەگەن.
2017 جىلدان 2021 جىلعا دەيىن قاراعاندى قالاسى وكتيابر اۋدانى اكىمىنىڭ ورىنباسارى قىزمەتىن اتقارعان.
2021 جىلدان 2023 جىلدىڭ شىلدەسىنە دەيىن قاراعاندى وبلىسىنىڭ جەر قاتىناستارى باسقارماسىن باسقارعان.
2023 جىلدىڭ شىلدەسىنەن باستاپ وسى تاعايىنداۋعا دەيىن قاراعاندى وبلىسىنىڭ ونەركاسىپ جانە يندۋستريالىق-يننوۆاتسيالىق دامۋ باسقارماسىن باسقاردى.