اتىراۋدا 17 جاستاعى ءجاسوسپىرىم وزىنە-ءوزى قول جۇمساماق بولدى. وقيعا 9 جەلتوقساندا بەرعاليەۆ كوشەسىنىڭ بويىنداعى كوپىردە بولعان, دەپ حابارلايدى Egemen.kz.
مۇنى بايقاعان پوليتسيا قىزمەتكەرلەرى وقيعا ورنىنا دەرەۋ جەتكەن.
- قازىرگى ۋاقىتتا جەدەل-تەرگەۋ توبى جاس جىگىتتى مۇنداي ارەكەتكە يتەرمەلەگەن سەبەپتەردى انىقتاپ جاتىر. تەرگەۋ باستالدى, - دەلىنگەن پوليتسيا تاراتقان اقپاراتتا.
ەسكە سالايىق, بۇعان دەيىن باس پروكۋرور بەرىك اسىلوۆ كەيىنگى كەزدە جيىلەپ كەتكەن سۋيتسيد ماسەلەسىنە قاتىستى پىكىر بىلدىرگەن ەدى.
- بالالاردىڭ وزىنە-ءوزى قول جۇمساۋ تولقىنى قوعامدا رەزونانس تۋدىردى. پروكۋرورلارعا ءار دەرەك بويىنشا تەرگەۋدى ەرەكشە باقىلاۋدى تاپسىردىم. الەۋمەتتىك جەلىلەر بالالاردىڭ سۋيتسيد بەلسەندىلىگىنە اسەر ەتەتىندىكتەن پروكۋرورلار 15 مىڭ زيان سايت پەن سىلتەمەنى بۇعاتتادى, - دەپ جازدى اسىلوۆ ح الەۋمەتتىك جەلىسىندەگى پاراقشاسىندا.