جەتىسۋ وبلىسىنىڭ ءورت سوندىرۋشىلەرى تۇرعىن ءۇيدى ورتتەن جانە بولۋى مۇمكىن جارىلىستان امان الىپ قالدى. بۇل تۋرالى قر تجم ءباسپاسوز قىزمەتى جازدى, دەپ حابارلايدى Egemen.kz.
ءورت ۇشتوبە قالاسىنداعى جەكە تۇرعىن ءۇيدىڭ شاتىرىنان شىققان.
«قۇتقارۋشىلاردىڭ ۇيلەسىمدى جانە جەدەل ارەكەتىنىڭ ارقاسىندا ءورت از اۋماقتى عانا شارپىدى. سونىمەن قاتار ءورت ءسوندىرۋ بارىسىندا ءورت سوندىرۋشىلەر ءتۇتىن باسقان ءۇيدىڭ ىشىنەن گاز باللونىن شىعارىپ, قاۋىپسىز جەرگە ورنالاستىردى. قازا تاپقاندار مەن زارداپ شەككەندەر جوق», دەلىنگەن حابارلامادا.
توتەنشە جاعدايلار مينيسترلىگى تۇرعىنداردى ءورت قاۋىپسىزدىگى ەرەجەلەرىن قاتاڭ ساقتاۋعا جانە گاز باللوندارىنىڭ جارامدىلىعى مەن قاۋىپسىزدىگىن ۇنەمى تەكسەرۋگە شاقىرادى.