پەتروپاۆل. 17 ماۋسىم. قىزىلجار وڭىرىندە بيىل 866 مۇمكىندىگى شەكتەۋلى جاندى ايماقتىق وڭالتۋ شيپاجايلارىندا تەگىن دەمالدىرۋ جولدارى قاراستىرىلعان. بۇل تۋرالى وبلىستىق جۇمىسپەن قامتۋ جانە الەۋمەتتىك باعدارلامالار باسقارماسىنىڭ ماماندارى حابارلادى.
مۇگەدەكتەردi وڭالتۋ ءبولiمiنiڭ جەتەكشىسى نادەجدا زاۆيالوۆانىڭ ايتۋىنشا, وڭىردە مۇگەدەكتەردi وڭالتۋمەن اينالىساتىن سولتۇستىك قازاقستانداعى «سولنەچنىي» جانە اقمولا وبلىسىنداعى «زەلەنىي بور» ساناتوريلەرىنە ەمدەلۋشىلەردىڭ العاشقى توبى اتتانىپ كەتكەن.
«تەگiن جولداما مەملەكەت بيۋدجەتiنەن بولiنگەن قاراجات ەسەبiنەن مۇگەدەكتەر مەن ناۋقاس بالالارعا بەرiلەدi. ولارعا 866 جولداما ۇلەستىرiلدi. كەلەسi جىلى دەمالامىن دەۋشiلەردەن دە قۇجاتتار قابىلدانىپ جاتىر», دەيدى ول.
«سولنەچنىي» پروفيلاكتوريىندە ەم الۋعا 50 سولتۇستiكقازاقستاندىق تەگىن جولداماعا يە بولدى. جىلىنا 3 رەت مۇگەدەك جانداردى قابىلدايتىن ەمدەۋ مەكەمەسىندە قازiر 15 ادام ەم-دوم الۋدا. سولاردىڭ ءبىرى نيكولاي پانكراتوۆ مەملەكەت تاراپىنان جاسالىپ جاتقان قامقورلىققا ءدان ريزا. مۇندا ەمدەلۋشىلەر ءۇشىن بارلىق جاعداي جاسالعان. فيتوپارامونشا, فيتوبار, مەحانيكالىق ماسساج, اەروفيتوتەراپەۆت بولمەلەرى جۇمىس ىستەيدى.
ءومىر ەسقالي.
دەرەك: سولتۇستىك قازاقستان وبلىستىق جۇمىسپەن قامتۋ جانە الەۋمەتتىك باعدارلامالار باسقارماسى.
سۋرەت: egemen.kz