اباي اتىنداعى قازۇپۋ-ءنىڭ سوربوننا-قازاقستان ينستيتۋتىنا 10 جىل. وسىعان وراي فرانتسيانىڭ قازاقستانداعى توتەنشە جانە وكىلەتتى ەلشىسى سيلۆان گيوگە اbai University-نە ارنايى كەلدى. مارتەبەلى مەيماندى ءسان-سالتاناتىمەن قارسى العان اباي اتىنداعى قازۇپۋ-ءنىڭ رەكتورى بولات تىلەپ اۋەلى قۇرمەتتى قوناققا ۋنيۆەرسيتەتتىڭ تاريحىنان سىر شەرتەتىن سونداي-اق قازاق حالقىنىڭ سالت-ءداستۇرى مەن قولونەر تۋىندىلارى قويىلعان مۇراجايمەن تانىستىردى, دەپ جازادى Egemen.kz.
ايتا كەتەيىك, اباي اتىنداعى قازۇپۋ سوربوننا-قازاقستان ينستيتۋتىن قۇرۋ تۋرالى العاشقى مەموراندۋمعا 2013 جىلى سوربوننا پاريج-سيتە (Sorbonne Paris سité) ۋنيۆەرسيتەتى مەن اباي اتىنداعى قازۇپۋ اراسىندا قول قويىلدى. ال ينستيتۋتتىڭ سالتاناتتى اشىلۋى 2014 جىلدىڭ 6-جەلتوقسانىندا ەكى ەلدىڭ مەملەكەت باسشىلارىنىڭ قاتىسۋىمەن وتكەن بولاتىن. اباي اتىنداعى قازۇپۋ سوربوننا-قازاقستان ينستيتۋتى اشىلعاننان بەرى الەمدىك فرانكوفونيا جەلىسىنە قوسىلىپ, AUF-ءتىڭ (فرانكوفوندىق ۋنيۆەرسيتەتتەر اگەنتتىگى) تولىققاندى مۇشەسى بولدى. سوربوننا-قازاقستان ينستيتۋتى قۇرىلعان كەزدە 2014 جىلى ەكى ءبىلىم بەرۋ باعدارلاماسى اشىلدى, ال ستۋدەنتتەردىڭ جالپى كونتينگەنتى 40 ادامدى قۇرادى.
2018 جىلدان باستاپ اباي اتىنداعى قازۇپۋ باسشىلىعى ينستيتۋتتىڭ بارلىق ءبىلىم بەرۋ باعدارلامالارىندا فرانتسۋز ءتىلىن ۇيرەنۋگە نازار اۋدارۋدى كۇشەيتۋ تۋرالى شەشىم قابىلدادى. 2018 جىلدان باستاپ ينستيتۋت 1200-دەن استام ستۋدەنت شىعاردى.170-تەن استام ستۋدەنت فرانتسيانىڭ سەرىكتەس ۋنيۆەرسيتەتتەرىنىڭ ديپلومدارىمەن فرانتسۋز ديسسەرتاتسيالارىن ءساتتى قورعادى.
اباي اتىنداعى قازۇپۋ-ءنىڭ رەكتورى بولات تىلەپ فرانتسيانىڭ قازاقستانداعى توتەنشە جانە وكىلەتتى ەلشىسى سيلۆان گيوگە مەن بىرگە سوربوننا-قازاقستان ينستيتۋتىنىڭ 10 جىلدا اتقارعان جۇمىسىمەن تانىستى. اباي ۋنيۆەرسيتەتىنىڭ ستۋدەنتتەرىمەن وقىتۋشىلارىمەن جۇزدەستى. قۇرمەتتى قوناق «ديپلومات جولى» تاقىرىبىنداعى ءدارىسىن وتكىزدى. ەلشى ءوزىنىڭ ديپلوماتيالىق جۇمىستارىمەن ءجۇرىپ وتكەن جولىن, الەمنىڭ كوپتەگەن ەلدەرىندە ەلشىلىك قىزمەت اتقارعاندىعىن, فرانتسۋز تىلىنەن وزگە كوپ ءتىلدى مەڭگەرگەندىگىن اڭگىمەلەدى. ستۋدەنت جاستار دا سيلۆان گيوگە مىرزاعا ءتۇرلى ساۋالدار قويىپ, تۇششىمدى جاۋاپ الدى. ارنايى دارىستەن سوڭ, فرانتسيانىڭ قازاقستانداعى توتەنشە جانە وكىلەتتى ەلشىسى سيلۆان گيوگەگە اباي اتىنداعى قازۇپۋ-ءنىڭ «قۇرمەتتى پروفەسسور» اتاعى بەرىلدى. مەيمانعا ارنايى سىي-سياپات تابىس ەتىلدى.
ءىس-شارا سوڭىندا قوناقتار ستۋدەنتتەرمەن ەستەلىك فوتوعا ءتۇسىپ, اباي اتىنداعى قازۇپۋ سوربوننا-قازاقستان ينستيتۋتىنىڭ 10 جىلدىعىنا قۇتتىقتاۋىن جەتكىزىپ, ارى قاراي دا جۇمىسىنا تابىس تىلەدى.