قوستاناي وبلىسىنداعى «التىساي» ەكوپاركىندە اتالعان ءتۇر بۇعان دەيىن كەزدەسپەگەن ەكەن, دەپ حابارلايدى Egemen.kz.
اسبك Birdlife Kazakhstan تابيعاتتى قورعاۋ ۇيىمىنىڭ ءمالىم ەتۋىنشە اسبك قىزمەتكەرى گەورگي تيموشەنكو 17 قازان كۇنى پاترۋلدەۋ كەزىندە دالا مىسىعىن كورىپ, فوتوعا تۇسىرگەن. مىسىقتار ءبىر-بىرىنەن ەداۋىر الشاق جەرلەردە تىركەلگەن.
اسبك عىلىمي قىزمەتكەرى يليا سمەليانسكيدىڭ ايتۋىنشا كەيىنگى 30 جىلدا ونىڭ ارەالى سولتۇستىككە جانە باتىسقا قاراي جىلدام كەڭەيىپ جاتىر. قازىر دالا مىسىعى دالا ايماعىنىڭ وڭتۇستىگىندە, شولەيتتى ايماق بەلدەۋىندە, بقو وڭتۇستىگىندەگى وڭىرلەردەن باستاپ اباي وبلىسىنا دەيىنگى اۋماقتا تارالعان ەكەن.