ادام قۇقىقتارى جونىندەگى ۋاكىل اسقار شاكىروۆتىڭ يۋنيسەف-ءتىڭ قازاقستان رەسپۋبليكاسىنداعى جاڭادان تاعايىندالعان وكىلى يۋري وكساميتنىيمەن كەزدەسۋى ءوتتى.
ومبۋدسمەن ونىڭ مەكەمەسى مەن يۋنيسەف-ءتىڭ اراسىنداعى سوڭعى جىلداردا قالىپتاسقان جەمىستى ىنتىماقتاسۋدىڭ ماڭىزدىلىعىن اتاپ ءوتتى. سونىڭ ىشىندە, حالىقارالىق ساراپشىلاردى جۇيەلى نەگىزدە تارتا وتىرىپ, ينستيتۋتتىق مەكەمەلەردەگى بالالارعا قاتىستى زورلىق-زومبىلىق ماسەلەلەرىن زەرتتەۋ جۇرگىزىلدى, بالالار مەكەمەلەرىنە مونيتورينگ وتكىزۋ ءۇشىن وقۋ قۇرالدارى مەن وزگە ادىستەمەلىك قۇجاتتار ازىرلەندى, ترەنينگتەر مەن سەمينارلار وتكىزىلدى.
قازاقستاندا بۇۇ-نىڭ بالالار قورى مەن ادام قۇقىقتارى جونىندەگى ۋاكىل اراسىنداعى ىنتىماقتاستىق تۋرالى جاسالعان مەموراندۋمنىڭ اياسىندا ەلدەگى بالا قورعاۋ جۇيەسىن نىعايتۋ بويىنشا بىرلەسكەن جۇمىستى جۇزەگە اسىرۋعا ەرەكشە نازار اۋدارىلدى.
كەزدەسۋگە قاتىسۋشىلار ەلباسىمىزدىڭ «قازاقستان-2050» ستراتەگياسىندا جانە «نۇرلى جول – بولاشاققا باستار جول» جاڭا ەكونوميكالىق ساياساتىندا العا قويعان ماقساتتاردى جۇزەگە اسىرۋدا الداعى ىنتىماقتاستىقتىڭ باسىم قىرلارىن تالقىلادى.
كەزدەسۋدىڭ قورىتىندىسىندا, ءار تاراپ قازاقستاندا بالالار قۇقىعىن قورعاۋ جونىندەگى ورنىقتى ءارى بىرىكتىرىلگەن جۇيە قۇرۋ بويىنشا ءوزارا ارەكەتتەستىكتى نىعايتۋعا دەگەن نيەتتەستىكتەرىن ءبىلدىردى, دەپ حابارلادى قازاقستان رەسپۋبليكاسىنداعى ادام قۇقىقتارى جونىندەگى ۋاكىل اپپاراتىنىڭ ءباسپاسوز قىزمەتى.