شۋاقتى شاڭىراق

الماتىدا سوڭعى التى جىلدا 30 جاڭا بالاباقشا اشىلدى وتكەن جىلى عانا گازەتىمىزدە «الماتىدا كەيىنگى بەس جىلدىڭ ىشىندە 25 بالاباقشا سالىنىپ, سامالاداي ءساندى عيماراتتار سابيلەر­دىڭ كۇلكىسىنە تولدى», دەپ قۋانا حابار­لاعان ەدىك. وسىناۋ يگى ءىس ءوڭتۇس­تىك استانادا جالعاسىن تاۋىپ تۇر. سول سياقتى, ءتىل ماسەلەسىن بالاباقشادان باستاۋ قاجەت دەگەن ءسوزىمىز ناقتى ءىس ارقىلى ناتيجەسىن بەرە باستاعانىن ايتا كەتۋ قاجەت. بۇگىندە قالاداعى بالاباقشالاردا ورىس تىلىندە ءتار­بيەلەنىپ جاتقان بالالاردىڭ سانى 15 مىڭ بولسا, قازاقشا تاربيە الاتىن بالالاردىڭ سانى 30 مىڭنىڭ ۇستىندە. ءبۇلدىر­شىندەردىڭ 70 پايىزى قازاق با­لا­­باق­شاسىنا بارىپ ءجۇر. قۋا­نار­­­لىعى, 7054 وزگە ۇلت وكىلدەرى بال­ا­لارىن قازاقشا تاربيەلەۋگە بەرىپ وتىر. تاياۋدا الماتى شاھارىنىڭ اكىمى احمەتجان ەسىموۆ مەكتەپ جاسىنا دەيىنگى ءبىلىم سالاسىنىڭ جاڭا نىساندارىن ارالاپ كوردى. قالا باسشىسى الاتاۋ اۋدانى اقبۇلاق شاعىن اۋدانىندا ورنالاسقان 120 ورىندى №95 بالاباقشادا جانە مەگاپوليستىڭ مەدەۋ اۋدانىنىڭ اۋماعىنداعى 120 ورىندى №124 «ارنايى» (كوررەكتسيالى) ياسلي-باقشادا بولدى. اكىم مەكتەپ جاسىنا دەيىنگى ءبىلىم بەرۋدىڭ ءۆارياتيۆتى ءتۇرىن قۇرۋدىڭ ماڭىزدىلىعىن اتاپ ءوتتى. تاۋلىك بويى جۇمىس ءىس­تەي­تىن كوررەكتسيالىق مەكەمەلەردى تولىقتاي جەرگىلىكتى بيۋدجەت قار­جى­لاندىرادى. بۇلاردا 2-7 جاس ارالىعىنداعى كوزى ناشار كورەتىن جانە ءتىلى مۇكىس بالالار تەگىن ءبىلىم الادى. كىشكەنتاي كەزىنەن ەم العان مۇنداي بالالاردىڭ 70 پايىزىنىڭ كوزى مەن سويلەۋ مانەرى قالىپقا كەلە­تىندىگى انىقتالعان. قازىرگى كەزدە الماتىدا مەكتەپ جاسىنا دەيىنگى 9 كوررەكتسيالىق بالالار مەكەمەلەرى جۇمىس ىستەيدى. قالا اكىمى مەملەكەت ءمىن­دەتتەگەن بالالارعا مەكتەپ جاسىنا دەيىنگى ءبىلىم بەرۋ ىسىنە ايرىقشا نازار اۋدارىلاتىندىعىن اتاپ ءوتتى. مىسالى, 2014 جىل «الماتى قالاسىندا ءبىلىمدى دامىتۋ جىلى» دەپ جاريالاندى, سونىڭ ارقاسىندا وتكەن جىلى 480 ورىندى 4 جاڭا بالاباقشا سالىنىپ, پايدالانۋعا بەرىلدى. سونىمەن قاتار, «سايالى» شاعىن اۋدانىندا جالعىز باستى انالار مەن كەزەكتەسىپ جۇمىس ىستەيتىن اتا-انالاردى قولداۋ ماق­ساتىندا قالادا تۇڭعىش رەت بەس كۇن ىشىندە تاۋلىك بويى جۇمىس ىستەيتىن 320 ورىندى بالاباقشا مەن «ءۇمىت ۇيىندە» ارنايى توپتار اشىلدى. ناتيجەسىندە, وتكەن جىلى 800 ورىندى 5 بالاباقشا ىسكە قوسىلدى. اكىم بۇل باعىتتاعى جۇمىس ودان ءارى جالعاسادى دەپ اتاپ ءوتتى. الماتىدا سوڭعى التى جىل ءىشىن­دە 30 جاڭا بالاباقشا اشىلدى, جالعا العانداردىڭ مەنشىگىندە بول­عان 7 نىسان قايتارىلىپ الىندى. ايناش ەسالي, «ەگەمەن قازاقستان». الماتى. سۋرەتتى تۇسىرگەن داۋرەن يساەۆ.