بۇگىن ماجىلىستە ديپلوماتيالىق قىزمەت ماسەلەلەرى تۋرالى زاڭ قارالدى, دەپ جازادى Egemen.kz.
زاڭدا ديپلوماتتاردىڭ حالىقارالىق مانسابىن اياقتاعاننان كەيىنگى الەۋمەتتىك جانە ەڭبەك قۇقىقتارىن قورعاۋعا باعىتتالعان نورمالار قامتىلدى.
ەندى ديپلوماتتار حالىقارالىق ۇيىمعا جۇمىسقا تاعايىندالعانعا دەيىن قىزمەتىنەن بوساتىلعان كۇننەن باستاپ ءۇش اي ىشىندە كونكۋرستىق ىرىكتەۋسىز, سىرتقى ىستەر مينيسترلىگىندە اتقارعان قىزمەتىنەن تومەن ەمەس لاۋازىمعا تاعايىندالادى.
بۇل ەرەجە حالىقارالىق ۇيىمعا جۇمىسقا تاعايىندالعانعا دەيىن تىكەلەي ساياسي لاۋازىم اتقارعان ادامدارعا قولدانىلمايدى.
سونداي-اق دەپۋتاتتار وعاش ءىس-قىلىعى ءۇشىن جۇمىستان شىعارىلعان ازاماتتاردىڭ ديپلوماتيالىق قىزمەتكە كىرۋىنە شەكتەۋسىز تىيىم سالۋدى جويۋعا باعىتتالعان تۇزەتۋلەر ەنگىزدى.