ۇكىمەت شەتەلگە زاڭسىز شىعارىلعان اكتيۆتەر ەسەبىنەن شىمكەنت قالاسىنداعى «سايرام كومەكشى مەكتەپ-ينتەرنات-كوللەدجىنە» جاتاقحانا سالىناتىنىن حابارلادى, دەپ جازادى Egemen.kz.
300 ورىندىق جاتاقحانا قۇرىلىسىنا 2,6 ملرد تەڭگەدەن استام قاراجات بولىنگەن.
جوبادا ۇلدار مەن قىزدارعا ارنالعان بولەك بلوكتار, مەديتسينالىق بلوك, اسحانا, ويىن بولمەلەرى سالىنادى دەپ جوسپارلانعان.
ۇكىمەت مالىمەتىنشە, بۇگىندە «سايرام كومەكشى مەكتەپ-ينتەرنات-كوللەدجى» ارنايى كەشەنىندە 363 ادام وقىپ جاتىر. جاڭا عيماراتتىڭ قۇرىلىسى 120 وقۋشىعا ارنالعان جاتاقحاناداعى ورىن تاپشىلىعىن جويادى.
قازىر قولدانىستاعى جاتاقحانا 1975 جىلى سالىنعان. ورىن تاپشىلىعىنا بايلانىستى وقۋ ورنىنداعى كەيبىر كابينەتتەر بالالارعا ارنالعان جاتىن بولمەلەر رەتىندە پايدالانىلىپ كەلگەن. ال 67 وقۋشى ۇيدە وقۋعا ءماجبۇر بولعان.
جاڭا جاتاقحانا زاماناۋي ۇلگىدە سالىنىپ, بالالاردىڭ ءبىلىم الىپ, جايلى ءومىر ءسۇرۋىن قامتاماسىز ەتپەك.