«قازاق گازەتتەرى» جاۋاپكەرشىلىگى شەكتەۋلى سەرىكتەستىگى باس ديرەكتورىنىڭ كەڭەسشىسى, جازۋشى, جۋرناليست جۇسىپبەك قورعاسبەك «ايبوز» ۇلتتىق ادەبي سىيلىعىنىڭ يەگەرى اتاندى, دەپ جازادى Egemen.kz.
بۇگىن الماتى قالاسىندا ءۇشىنشى رەت ۇيىمداستىرىلعان ۇلتتىق ادەبي سىيلىقتىڭ جەڭىمپازدارى ماراپاتتالدى.
زامانا ادەبيەتىنىڭ زاڭعارلارى الامانعا تۇسكەن ادەبي بايقاۋعا 176 ءوتىنىم كەلىپ تۇسكەن. 7 نوميناتسيا بويىنشا ۇزدىكتەر جۇلدەلى بولدى.
سونىڭ ىشىندە «قازاق گازەتتەرى» جاۋاپكەرشىلىگى شەكتەۋلى سەرىكتەستىگى باس ديرەكتورىنىڭ كەڭەسشىسى جۇسىپبەك قورعاسبەك بايگەگە ات قوسقان «ۇزدىك ادەبي سىن» اتالىمىنىڭ سورەسىنەن 13 تۇلعا جۇلدەگە ءۇمىت ارتقان.
قالامى قارىمدى, شابىتى شالقار ازاماتتار اراسىنان جۇسىپبەك قورعاسبەكتىڭ «سايتاننىڭ ويىنى» ەڭبەگى «ۇزدىك ادەبي سىن» نوميناتسياسىندا شاشاسىنا شاڭ جۇقتىرماي, مارەنى ءبىرىنشى بولىپ كەستى.
ماراپاتتاۋ كەشىندە مادەنيەت جانە اقپارات ءمينيسترى ايدا بالاەۆا ءسوز الىپ, قالامگەر قاۋىمدى قولداۋعا باعىتتالعان ىستەر ىركىلمەيتىنىن اتاپ ءوتتى.