مەملەكەت باسشىسىنىڭ وكىمىمەن بۇل قىزمەتكە تاعايىندالعان گەنەرال-مايور ەرجان يبراەۆ جۋىردا وفيتسەرلەر مەن اسكەري قىزمەتكەرلەرگە تانىستىرىلدى, دەپ حابارلايدى Egemen.kz.
«وڭتۇستىك» وڭىرلىك قولباسشىلىعىنىڭ جاڭا قولباسشىسى گەنەرال-مايور ەرجان يبراەۆ 1978 جىلى 1 قىركۇيەكتە سەمەي قالاسىندا دۇنيەگە كەلگەن. 1995 جىلى الماتى جوعارى اسكەري ۋچيليششەسىن «كوماندالىق-تاكتيكالىق موتواتقىشتار اسكەرلەرى» ماماندىعى بويىنشا, 2009 جىلى ۇلتتىق قورعانىس ۋنيۆەرسيتەتىن «جەدەل-تاكتيكالىق باسقارۋ (باسقارۋ)» ماماندىعى بويىنشا ءبىتىردى. 2020 جىلى رەسەي قارۋلى كۇشتەرى باس شتابىنىڭ اسكەري اكادەمياسىندا «ۇلتتىق قاۋىپسىزدىك جانە مەملەكەتتىك قورعانىس» ماماندىعى بويىنشا ءبىلىم الدى.
«وڭتۇستىك» وڭىرلىك قولباسشىلىعى شتابىنىڭ وفيتسەرلەرى مەن اسكەري قىزمەتكەرلەرىنىڭ جاڭا قولباسشىمەن تانىسۋى سيمۆوليكالىق سيپاتقا يە بولدى. ءبىر جىل بۇرىن گەنەرال-مايور ەرجان يبراەۆ وڭتۇستىكتە اسكەرلەر قولباسشىسىنىڭ ءبىرىنشى ورىنباسارى – اسكەرلەر شتابى باستىعىنىڭ ورىنباسارى قىزمەتىن اتقارسا, جەتى جىل بۇرىن تارازداعى 5-مەحانيكالاندىرىلعان بريگادانى باسقارعان.
ەرجان يبراەۆ لەيتەنانتتان پولكوۆنيككە دەيىن اسكەري قىزمەتتىڭ بارلىق ساتىسىنان ءوتتى. ءىى دارەجەلى «ايبىن» وردەنىمەن, ۆەدومستۆولىق ناگرادالارمەن جانە مەرەيتويلىق مەدالدارمەن ماراپاتتالعان.
بۇل تاعايىنداۋعا دەيىن «استانا» وڭىرلىك قولباسشىلىعى اسكەرلەرىن باسقاردى.