استانا. 30 ءساۋىر. شىمكەنت قالاسىنا جاقىن ماڭداعى قاراسپان اۋىلىندا ورنالاسقان جانارماي قۇيۋ بەكەتىنە قاراقشىلىق شابۋىل جاسالىپ, ەكى ادامدى اتىپ كەتتى. بۇل تۋرالى times.kz حابارلادى.
قاراقشىلىق شابۋىل كەزىندە قىلمىسكەرلەر كۋاگەر قالدىرماس ءۇشىن جانارماي قۇيۋ عيماراتىنداعى كاسسير, كۇزەتشى جانە ماي قۇيۋشىنى اتىپ كەتكەن. سالدارىنان 26 جاستاعى كاسسير مەن 40 جاستاعى كۇزەتشى وقيعا ورنىندا قازا تاپتى. ال ءۇشىنشى قىزمەتكەر ءتىرى قالعان. ول قازىرگى تاڭدا اۋرۋحانانىڭ جان ساقتاۋ بولىمىندە ەس-ءتۇسسىز جاتىر.
ايتا كەتەيىك, جانارماي قۇيۋ بەكەتى «گازپرومنەفت» كومپانياسىنا تيەسىلى. بۇعان دەيىن دە اتالعان نىسان ءبىر مارتە تونالعان. ول كەزدە قىلمىسكەرلەر جۇمىسشىلاردى ۇرىپ-سوعىپ, 470 مىڭ تەڭگەنى قولدى ەتكەن ەكەن. سول وقيعادان ساباق الماعان باسشىلىق عيمارات ماڭىنا بەينە كامەرا مەن دابىل قاعاتىن قوندىرعى ورناتپاعان.
وقيعاعا قايتا ورالساق, قازا تاپقان ەكى قىزمەتكەردىڭ ارتىندا ايەلدەرى مەن بالالارى قالدى. سوندىقتان مارقۇمنىڭ تۋعان-تۋىستارى سوت ارقىلى اتالعان كومپانيادان جەتىم قالعان بالالارعا كامەلەتكە تولعانعا دەيىن جاردەم بەرۋدى تالاپ ەتپەك.
تالعات رايىمبەك.
دەرەك, سۋرەت: times.kz.