استانا. 30 ءساۋىر. الماتىدا جاياۋ جۇرگىنشىلەر جولاعىنان ءوتىپ بارا جاتقان ايەلدى موتوتسيكل قاعىپ, جابىرلەنۋشى وقيعا ورنىندا قازا بولدى. بۇل تۋرالى radiotochka.kz حابارلادى.
وقيعا كۋاگەرى باقىتجان بۇقارباي ەسىمدى ازامات الەۋمەتتىك جەلىدەگى ءوزىنىڭ پاقاشاسىنا: «مەن جاياۋ جۇرگىنشىلەر جولىنان ءوتىپ بارا جاتقان ايەلدى موتوتسيكلدىڭ قالاي قاققانىن كوردىم. قاتتى جىلدامدىقپەن كەلە جاتقان كولىك ونى 40-50 مەتر قاشىقتىققا ۇشىرىپ جىبەردى. جابىرلەنۋشىنىڭ جول اپاتىنان كەيىن ءتىرى قالۋى ەكى تالاي», – دەپ جازعان. تاعى ءبىر دەرەكتە, موتوتسيكل جۇرگىزۋشىسى جاياۋ جۇرگىنشىنى قاققاننان سوڭ ءوزى قارسى باعىتقا شىعىپ كەتىپ, جول جيەگىندەگى ارىققا قۇلاعان دەلىنگەن.
ايتا كەتەيىك, جول اپاتى سالدارىنان 48 جاستاعى الماتى قالاسىنىڭ تۇرعىنى قازا تاپسا, 24 جاستاعى جۇرگىزۋشى اۋىر حالدە اۋرۋحاناعا جەتكىزىلدى. قازىرگى تاڭدا پوليتسەيلەر وقيعانىڭ سالدارىن انىقتاۋعا كىرىستى. ازىرگە بەلگىلىسى, قازا تاپقان تۇرعىن باتىرحان شوكەنوۆكە ارنالعان ەسكە الۋ كەشىنە قاتىسىپ, ۇيىنە قايتىپ كەلە جاتقان دەگەن بولجام بار.
تالعات رايىمبەك.
دەرەك: radiotochka.kz.
سۋرەت: zakon.kz.