رەسەيدە شىعاتىن «يزۆەستيا» گازەتىنە قازاقستان پرەزيدەنتى قاسىم-جومارت توقاەۆتىڭ اۋقىمدى ماقالاسى جاريالاندى. مەملەكەت باسشىسى قازاقستانعا مەملەكەتتىك ساپارمەن كەلەتىن رەسەي پرەزيدەنتىمەن بىرگە ساۋدا-ەكونوميكا, كولىك-لوگيستيكا, وتىن-ەنەرگەتيكا, عىلىم جانە تەحنيكا سالالارىنداعى ىنتىماقتاستىققا قاتىستى اۋقىمدى ماسەلەلەر تالقىلاناتىنىن جەتكىزدى, دەپ حابارلايدى Egemen.kz.
«رەسەي پرەزيدەنتى ۆلاديمير ۆلاديميروۆيچ ءپۋتيننىڭ قازاقستانعا مەملەكەتتىك ساپارى قازاق-ورىس قاتىناسىنىڭ تاريحىنداعى اسا ماڭىزدى وقيعا بولماق. جوعارى مەملەكەتارالىق مارتەبەسى بار بۇل ساپار ەلدەرىمىز اراسىنداعى ستراتەگيالىق سەرىكتەستىكتىڭ ءمان-ماڭىزى ايرىقشا ەكەنىن كورسەتەدى», دەپ جازدى مەملەكەت باسشىسى.
سونداي-اق پرەزيدەنت استانادا وتەتىن كەزدەسۋدە رەسەي پرەزيدەنتىمەن بىرگە ساۋدا-ەكونوميكا, كولىك-لوگيستيكا, وتىن-ەنەرگەتيكا, عىلىم جانە تەحنيكا سالالارىنداعى ىنتىماقتاستىققا قاتىستى اۋقىمدى ماسەلەلەردى تالقىلايتىن دا اتاپ ءوتتى.
«حالىقارالىق ۇيىمدار مەن ينتەگراتسيالىق قۇرىلىمدار اياسىنداعى ءوزارا ىقپالداستىق بارىسىن پىسىقتاۋدى جوسپارلاپ وتىرمىز. سونداي-اق قازىر, وكىنىشكە قاراي, قاتتى ۋشىعىپ تۇرعان الەمدەگى احۋالعا قاتىستى پىكىر الماسامىز», دەپ جازدى پرەزيدەنت.
سونىمەن قاتار مەملەكەت باسشىسى ەكى ەلدى الەمدەگى قۇرلىق ارقىلى وتەتىن ەڭ ۇزىن شەكارا قوسىپ تۇرعانىن ەسكە سالدى.
ء«بىز, قازاقستان حالقى, ەلدەرىمىزدى الەمدەگى قۇرلىق ارقىلى وتەتىن ەڭ ۇزىن شەكارا قوسىپ تۇرعانىن ءاردايىم ەستە ۇستايمىز. ونى ماڭگى دوستىق پەن ناعىز تاتۋ كورشىلىكتىڭ شەكاراسى دەپ سانايمىز. ەكى جاقتىڭ شەكارا ماڭىنداعى اۋداندارىندا 32 ميلليونعا جۋىق ادام تۇرادى. بۇل دا ايرىقشا ماڭىزدى. ەكى ەلدىڭ ايماقتارى ءبىزدىڭ مەملەكەتارالىق قاتىناستارىمىزدى نىعايتۋعا ەلەۋلى ۇلەس قوسىپ وتىر. سوندىقتان مەملەكەت باسشىلارىنىڭ وڭىرارالىق ىنتىماقتاستىقتىڭ حح فورۋمىنا بىرگە قاتىسۋى وسى ساپار بارىسىنداعى ماڭىزدى شارا بولماق. الداعى ساپار ينۆەستيتسيا جانە ساۋدا سالاسىنداعى ىنتىماقتاستىقتى جانداندىرۋعا زور سەرپىن بەرىپ, قوس حالىقتىڭ يگىلىگىنە ارنالعان بىرلەسكەن جوبالاردى باستاۋعا سەپتىگىن تيگىزەدى دەپ سەنەمىن», دەپ تۇيىندەدى ەل پرەزيدەنتى.