بيىلعى جىلدىڭ 10 ايىندا ەلىمىزدە 17,6 ملن جولاۋشى تاسىمالدانعان. وتكەن جىلمەن سالىستىرعاندا ءوسىم 6 پايىزدى قۇرادى. بۇل تۋرالى ۇكىمەت وتىرىسىندا كولىك ءمينيسترى مارات قاراباەۆ مالىمدەدى, دەپ حابارلايدى Egemen.kz.
مارات قاراباەۆتىڭ ايتۋىنشا, جىل سوڭىنا دەيىن 21 ميلليون جولاۋشى تاسىمالداۋ جوسپارلانعان. مينيستر حالىقتى تاسىمالداۋعا قولايلى جاعداي جاساۋ ءۇشىن ۆوكزالداردى جاڭعىرتۋ قاجەت ەكەنىن اتاپ ءوتتى.
«59 نەگىزگى تەمىرجول ۆوكزالىنىڭ 54-ءى (جەرگىلىكتى اكىمدىكتەر بالانسىندا – 4, قتج بالانسىندا – 50) جوندەۋدى تالاپ ەتەدى. قازىرگى ۋاقىتتا تەك قىزىلوردا, شىمكەنت, پاۆلودار جانە تۇركىستان قالالارىنىڭ ۆوكزالدارى تولىق كۇردەلى جوندەۋدەن ءوتتى», دەدى قاراباەۆ.
قالعان ستانتسيالار بويىنشا ءتيىستى تەحنيكالىق قۇجاتتار ازىرلەنىپ, قارجىلاندىرۋ كوزدەرى مەن تەتىكتەرى پىسىقتالىپ جاتقاندىعى حابارلاندى.