مەملەكەت باسشىسى قاسىم-جومارت توقاەۆتىڭ شاقىرۋىمەن 27 قاراشا كۇنى قازاقستانعا رەسەي فەدەراتسياسىنىڭ پرەزيدەنتى ۆلاديمير پۋتين مەملەكەتتىك ساپارمەن كەلەدى, دەپ حابارلايدى Egemen.kz اقوردا ءباسپاسوز قىزمەتىنە سىلتەمە جاساپ.
ساپار اياسىندا جوعارى دەڭگەيدەگى كەلىسسوزدەر جۇرگىزىلەدى. مەملەكەتتەر باسشىلارى قازاقستان مەن رەسەيدىڭ حح وڭىرارالىق ىنتىماقتاستىق فورۋمىنا بەينەكونفەرەنتسيا رەجيمىندە قاتىسادى دەپ جوسپارلانىپ وتىر.
ال 28 قاراشا كۇنى قازاقستان پرەزيدەنتى قاسىم-جومارت توقاەۆتىڭ توراعالىعىمەن ۇقشۇ ۇجىمدىق قاۋىپسىزدىك كەڭەسىنىڭ كەزەكتى سەسسياسى وتەدى. جيىندا ايماقتىق جانە حالىقارالىق قاۋىپسىزدىكتىڭ نەگىزگى ماسەلەلەرى تالقىلانادى. وتىرىس قورىتىندىسى بويىنشا بىرقاتار قۇجاتقا قول قويىلادى.