سپورتشىلاردىڭ وتكەن اپتاداعى جەتىستىكتەرى

شورت-ترەك: يتاليانىڭ بورميو قالاسىندا شورت-ترەكتەن Alta Valtellina Trophy حالىقارالىق جارىسىندا قازاقستان قۇراماسى 2 التىن, 1 كۇمىس مەدال جەڭىپ الدى.  

مانەرلەپ سىرعاناۋ: قىتايدىڭ چۋنتسين قالاسىندا گران-پري تۋرنيرىندە ميحايل شايدوروۆ كۇمىس جۇلدەگەر اتاندى. ول بىلتىر وسى جارىستىڭ قولا جۇلدەگەرى اتانعان ەدى.

سەمسەرلەسۋ: كانادانىڭ ۆانكۋۆەر قالاسىندا وتكەن سەمسەرلەسۋدەن الەم كۋبوگىندە قازاقستان ەرلەر قۇراماسى قولا جۇلدەگە قول جەتكىزدى.

پارا دزيۋدو: استانادا وتكەن حالىقارالىق Grand Prix تۋرنيرىندە قۇراما سپورتشىلارى 14 مەدال (6 التىن, 4 كۇمىس, 4 قولا) ولجالاپ, جالپىكوماندالىق ەسەپتە ءبىرىنشى ورىنعا يە بولدى.

تەننيس: جىبەك قۇلامباەۆا پورتۋگاليانىڭ لوزادا قالاسىندا وتكەن ITF W35 ءتۋرنيرىنىڭ جۇپتىق سىنىندا چەمپيون اتاندى. جەرلەسىمىز بەلارۋس وكىلى يۋليا حاتۋكامەن بىرگە جۇپ قۇراپ, فينالدا رەسەيلىك پولينا ياتسەنكو مەن بەلگيالىق حاننە ۆاندەۆينكەلدەن 6:3, 1:6, 10:4 ەسەبىمەن باسىم ءتۇستى.

ەستەتيكالىق گيمناستيكا: ەستونيانىڭ تارتۋ قالاسىنداعى ەستەتيكالىق توپتىق گيمناستيكادان الەم چەمپيوناتىندا سپورتشىلارىمىز 2 قولا مەدال ەنشىلەدى.