اقتاۋ قالاسىنىڭ پريمورسكي تۇرعىن ءۇي ءماسسيۆى ماڭىندا ەكى كولىك سوقتىعىسىپ, ءۇش ادام جاراقات الدى, دەپ حابارلايدى Egemen.kz.
«جول اپاتى 22 قاراشا كۇنى بولدى. ماڭعىستاۋ وبلىستىق جەدەل مەديتسينالىق كومەك قىزمەتىنىڭ مالىمەتىنشە, اپاتتان ەكى ايەل مەن ءبىر ەر ادام جاراقات العان», دەپ جازىلعان حابارلامادا.
اپاتتان 1966 جىلى تۋعان ايەل, 1988 جىلى تۋعان ەر ادام, 1985 جىلى تۋعان ايەل زارداپ شەكتى.
«بارلىق زارداپ شەككەندەر ءتۇرلى دەڭگەيدەگى سۇيەك سىنۋ جاراقاتتارىمەن ماڭعىستاۋ وبلىستىق كوپسالالى اۋرۋحاناسىنا جەتكىزىلدى. قازىرگى تاڭدا وقيعانىڭ سەبەپتەرى مەن ءمان-جايى انىقتالىپ جاتىر», دەپ جازادى باسىلىم.