قازاقستان رەسپۋبليكاسى ۇكىمەتىنىڭ قاۋلىسىمەن دميتري مۋن اندرەەۆيچ تسيفرلىق دامۋ, يننوۆاتسيالار جانە اەروعارىش ونەركاسىبى ۆيتسە-ءمينيسترى بولىپ تاعايىندالدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
دميتري مۋن 1991 جىلى استانا قالاسىندا دۇنيەگە كەلگەن. م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرستيتەتىن بىتىرگەن.
ەڭبەك جولىن 2014 جىلى استانا ق. «ەكونوميكالىق زەرتتەۋلەر ينستيتۋتى» اق ورتالىعىندا ساراپشى بولىپ باستاعان.
ءارتۇرلى جىلدارى «قازپوشتا» اق مەنەدجەرى, قر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونiندەگi كوميتەتiنىڭ تالداۋ جۇمىس جانە قۇقىقتىق رەتتەۋ باسقارماسىندا ءبولىم باستىعى بولىپ جۇمىس ىستەگەن.
2019-2020 جىلدارى — استانا ق. «ۇلتتىق اقپاراتتىق تەحنولوگيالار» اق دەپارتامەنتىندە ينجەنەر-باعدارلاماشى.
2020-2023 جىلدارى — استانا ق. «ۇلتتىق اقپاراتتىق تەحنولوگيالار» اق Big Data جونىندەگى باسقارۋشى ديرەكتور.
2023 جىلدان باستاپ وسى ۋاقىتقا دەيىن استانا ق. «ۇلتتىق اقپاراتتىق تەحنولوگيالار» اق باسقارما توراعاسىنىڭ ورىنباسارى بولىپ قىزمەت ەتتى.