جەتىسۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى القابيلەردىڭ قاتىسۋىمەن بوپسالاۋ فاكتىسى بويىنشا قىلمىستىق ءىستى قارادى, دەپ حابارلايدى Egemen.kz.
سوتتىڭ مالىمەتىنشە, 2024 جىلدىڭ مامىر ايىندا ايىپتالۋشى ي. ءوزى بۇرىن جۇمىس ىستەگەن جشس باسشىسىمەن كەزدەسىپ, سەرىكتەستىك تاراپىنان جاسالعان قۇقىق بۇزۋشىلىقتار تۋرالى دالەلدەرى بار ەكەنىن ايتقان. وسى اقپاراتتاردى جاريالاماۋ ءۇشىن كۇدىكتى ي. زاڭسىز تۇردە س.-دان قۇنى 16 ملن تەڭگەدەن اساتىن پاتەردى ءوز مەنشىگىنە بەرۋدى تالاپ ەتكەن.
جابىرلەنۋشى بىردەن پوليتسياعا جۇگىنگەن. 2024 جىلعى 5 ماۋسىمدا پوليتسيا قىزمەتكەرلەرى جەدەل-ىزدەستىرۋ شارالارىن جۇرگىزۋ بارىسىندا كۇدىكتى ي-ءدى جەكە نوتاريۋس كەڭسەسىندە ۇستاعان.
«قىلمىستىق كودەكسكە سايكەس, ايىپتالۋشى جاساعان قىلمىسى ءۇشىن 7 جىلدان 15 جىلعا دەيىنگى مەرزىمگە باس بوستاندىعىنان ايىرۋ جانە مۇلكىن تاركىلەۋ تۇرىندەگى جازا قاراستىرىلعان. القابيلەردىڭ شەشىمىمەن ي تاعىلعان ايىپ بويىنشا كىنالى دەپ تانىلدى, سوت جازانى جەڭىلدەتەتىن ءمان جاي رەتىندە سوتتالۋشىنىڭ جاس بالالارىنىڭ بولۋىن ەسكەرىپ وعان 8 جىل باس بوستاندىعىنان ايىرۋ جازاسىن تاعايىندادى», دەلىنگەن سوت حابارلاماسىندا.
ۇكىم زاڭدى كۇشىنە ەنگەن جوق.