وزبەكستاننىڭ مينيسترلەر كابينەتى وتستاۆكاعا كەتتى, دەپ حابارلايدى Egemen.kz.
ءتيىستى قاۋلىعا 2024 جىلعى 19 قاراشادا پرەمەر-مينيستر ابدۋللا ءارىپوۆ قول قويدى.
پرەمەر-ءمينيستردىڭ ءباسپاسوز حاتشىسى بەكزود حيدوياتوۆتىڭ ايتۋىنشا, قازىرگى ۇكىمەت پرەزيدەنت جارلىعى نەگىزىندە جاڭا مينيسترلەر كابينەتى جاساقتالعانعا دەيىن جۇمىسىن جالعاستىرادى.
«وزبەكستان رەسپۋبليكاسىنىڭ قازىرگى مينيسترلەر كابينەتىنىڭ قىزمەتى وزبەكستان رەسپۋبليكاسىنىڭ جاڭا مينيسترلەر كابينەتى قۇرىلعانعا دەيىن جالعاسادى دەپ بەلگىلەنسىن», دەلىنگەن شاۆكات ميرزيوەۆ قول قويعان جارلىقتا.
جاڭا پارلامەنت قۇرىلعاننان كەيىن ءبىر اي ىشىندە وزبەكستان پرەزيدەنتى ساياسي پارتيالاردىڭ بارلىق فراكتسياسىمەن كونسۋلتاتسيالاردان كەيىن پرەمەر-ءمينيستردىڭ كانديداتۋراسىن زاڭ شىعارۋ پالاتاسىنىڭ قاراۋىنا ۇسىنادى.
كانديدات مينيسترلەر كابينەتىنىڭ قىسقا جانە ۇزاق مەرزىمدى كەزەڭگە ارنالعان ءىس-قيمىل باعدارلاماسىن ۇسىنادى. ونىڭ كانديداتۋراسى, ەگەر وعان زاڭ شىعارۋ پالاتاسى دەپۋتاتتارىنىڭ جالپى سانىنىڭ جارتىسىنان استامى داۋىس بەرسە, ماقۇلداندى دەپ ەسەپتەلەدى.