باسپانالى بولۋ – ادام ءومىرىنىڭ ەڭ قۋانىشتى ءساتى. ولاي بولسا, الماتى وبلىسى حالىقتىڭ تۇرمىس جاعدايىن جاقسارتۋعا باعىتتالعان تۇرعىن ءۇي قۇرىلىسى سالاسىن قارقىندى دامىتۋدى جالعاستىرىپ جاتىر.
2024 جىلعا جالپى كولەمى 901,9 مىڭ شارشى مەتردى قۇرايتىن تۇرعىن ۇيلەردى پايدالانۋعا بەرۋ جوسپارى بەكىتىلدى. بۇل – وڭىردەگى تۇرعىن ءۇي ماسەلەسىن شەشۋدە ايتارلىقتاي ىلگەرىلەۋگە مۇمكىندىك بەرەدى. اتالعان كولەم ءارتۇرلى كوزدەردەن كەشەندى قارجىلاندىرۋ ەسەبىنەن قامتاماسىز ەتىلەتىن بولادى, بۇل – قۇرىلىس سالاسىن قولداۋ مەن ينۆەستيتسيا تارتۋدىڭ كەشەندى ءتاسىلىن راستايدى.
تۇرعىن ءۇي كولەمىن قارجىلاندىرۋ جانە ءبولۋ كوزدەرىنە كەلەر بولساق, بيىلعى جىلعا ارنالعان جوسپارى بويىنشا بيۋدجەت قاراجاتى ەسەبىنەن – 129,2 مىڭ شارشى مەتر, جەكە قۇرىلىس سالۋشىلار – 191,8 مىڭ شارشى مەتر, تۇرعىندار ەسەبىنەن – 580,9 مىڭ شارشى مەتر تۇرعىن ءۇي سالىنعان.
بيىل, اتاپ ايتقاندا, قاڭتار-قىركۇيەك ايلارىندا الماتى وبلىسىندا 777,1 مىڭ شارشى مەتر تۇرعىن ءۇي پايدالانۋعا بەرىلدى, بۇل وتكەن جىلدىڭ سايكەس كەزەڭىمەن سالىستىرعاندا 108,9 پايىزعا جوعارى. قازان ايىندا تاعى 84,4 مىڭ شارشى مەتر پايدالانۋعا بەرىلىپ, 10 ايداعى جالپى كولەمدى 861,5 مىڭ شارشى مەترگە جەتكىزدى. بۇل ناتيجەلەر قۇرىلىستىڭ جوعارى قارقىنىن جانە تۇرعىن ءۇي باعدارلاماسىنىڭ بەلسەندى جۇزەگە اسىرىلىپ جاتقانىن راستايدى.
تۇرعىن ءۇي باعدارلاماسىندا حالىقتىڭ الەۋمەتتىك وسال ساناتتارىن قولداۋعا ەرەكشە كوڭىل بولىنەدى. بيىل 2922 وتباسىن باسپانامەن قامتاماسىز ەتۋ جوسپارلانسا, ونىڭ ىشىندە 1618 وتباسى بيۋدجەت قاراجاتى ەسەبىنەن باسپانا الادى. سونداي-اق 1304 وتباسىنا جالعا بەرىلەتىن تۇرعىن ءۇي ساتىپ الۋ جوسپارلانىپ وتىر, بۇل شىن مانىندە, كومەككە مۇقتاج ادامدارعا تۇرعىن ءۇي جاعدايىن جاقسارتۋعا مۇمكىندىك بەرەدى. ياعني, تۇرعىن ءۇي سالۋ ارقىلى ادامداردىڭ ءومىر ساپاسىن كوتەرۋگە جانە قولداۋدى قاجەت ەتەتىندەرگە كومەك كورسەتۋگە باعىتتالعان. وسىلايشا, الماتى وبلىسى تۇرعىن ءۇي ساياساتىندا العا قويعان ماقساتتارىنا سەنىمدى تۇردە قادام باسىپ كەلەدى. بەكىتىلگەن 2024 جىلعا ارنالعان جوسپار, سونداي-اق اعىمداعى ناتيجەلەر بيلىكتىڭ ءوڭىردىڭ تۇراقتى دامۋىنىڭ كەپىلى بولىپ تابىلاتىن حالىقتىڭ بارلىق ساناتتارىن قولجەتىمدى باسپانامەن جانە جايلى جاعدايمەن قامتاماسىز ەتۋگە ۇمتىلىسىن كورسەتەدى.
«الماتى وبلىسى ازاماتتاردىڭ ءومىر ءسۇرۋ جاعدايىن جاقسارتۋعا باعىتتالعان ماقساتتارىنا سەنىمدى قادام جاساپ جاتىر. بيىلعى جىلعا ارنالعان جوسپار تەك سانداردان تۇرمايدى, ول ءوڭىردىڭ تۇراقتى دامۋىن, قولجەتىمدى باسپانا ۇسىنۋدى جانە مۇقتاج جاندارعا الەۋمەتتىك قولداۋ كورسەتۋدى قامتاماسىز ەتۋ جونىندەگى مىندەتىمىزدى ايقىندايدى. ءبىز الماتى وبلىسىنىڭ ءاربىر تۇرعىنىن جايلى ءارى لايىقتى ءومىر ءسۇرۋ جاعدايلارىمەن قامتاماسىز ەتۋ ءۇشىن جۇمىستارىمىزدى بەلسەندى تۇردە جالعاستىرامىز», دەيدى الماتى وبلىسى اكىمىنىڭ ورىنباسارى نۇرجان قۇدايبەرگەنوۆ.
الماتى وبلىسى