جوعارعى سوت توراعاسى اسلامبەك مەرعاليەۆ بكب ارقىلى تاۋەلسىز مەملەكەتتەر دوستاستىعى ەكونوميكالىق سوتى (تمد ەس) پلەنۋمىنىڭ جۇمىسىنا قاتىستى, دەپ حابارلايدى Egemen.kz.
ءىس-شاراعا سونداي-اق قازاقستان رەسپۋبليكاسىنان تمد ەس سۋديالارى اسقار سمايىلوۆ پەن نۇرلان سۇلتانوۆ قاتىستى.
قاتىسۋشىلار ينۆەستيتسيالىق داۋلار بويىنشا ەكونوميكالىق سوتتىڭ قۇزىرەتىن كەڭەيتۋ ماسەلەسىن تالقىلادى.
تمد ەكونوميكالىق سوتىنىڭ توراعاسى اندرەي پلوتنيكوۆ اسقار سمايىلوۆتىڭ سوتتىڭ قىزمەتىنە بەلسەندى جانە جەمىستى قاتىسقانى ءۇشىن قۇرمەت گراموتاسىمەن ماراپاتتالعانىن حابارلادى.
سونداي-اق تمد باس حاتشىسىنىڭ ءبىرىنشى ورىنباسارى لەونيد انفيموۆ قۇرمەت گراموتاسىمەن, ال ەۆەلينا ناگورنايا «تمد ەكونوميكالىق سوتىنىڭ قۇرمەتتى قىزمەتكەرى» اتاعىمەن ماراپاتتالدى.