ءوزىن قۇمار ويىنداردان, ءباس تىگۋدەن شەكتەۋ بويىنشا ونلاين قىزمەتتى ەنگىزۋ جونىندەگى مينيسترلىكتىڭ پيلوتتىق جوباسى وڭ ناتيجە كورسەتىپ, قۇمار ويىندارعا قاتىسۋدىڭ تومەندەۋىنە ىقپال ەتىپ كەلەدى, دەپ حابارلايدى Egemen.kz تۋريزم جانە سپورت مينيسترلىگىنىڭ ءباسپاسوز قىزمەتىنە سىلتەمە جاساپ.
تۋريزم جانە سپورت مينيسترلىگى ويىن بيزنەسىن جانە لوتەرەيانى رەتتەۋ كوميتەتىنىڭ مالىمەتىنە سايكەس, eGov ءموبيلدى قوسىمشاسى ارقىلى قۇمار ويىنداردان ءوزىن-ءوزى شەكتەۋگە 168 250 ادام, جازباشا تۇردە 2 311 ادام ءوتىنىش بەرگەن.
سونىمەن قاتار قۇمار ويىندارعا قاتىسۋدان ءوزىن شەكتەگەندەر اراسىندا ەڭ كوپ ۇلەس 31-35 جاس ارالىعىنداعى ازاماتتارعا تيەسىلى ەكەنى بەلگىلى بولدى.
eGov mobile ارقىلى – 40 212 ادام (جالپى ساننىڭ 23,90%); جازباشا – 836 ادام (جالپى ساننىڭ 36,17%).2024 جىلدىڭ 18 ناۋرىزىندا باستالعان ءوزىن قۇمار ويىنداردان, ءباس تىگۋدەن شەكتەۋ بويىنشا ونلاين قىزمەتتى ەنگىزۋ جونىندەگى مينيسترلىكتىڭ پيلوتتىق جوباسى وڭ ناتيجە كورسەتىپ, قۇمار ويىندارعا قاتىسۋدىڭ تومەندەۋىنە ىقپال ەتىپ كەلەدى.
پيلوتتىق جوبانى پايدالانۋعا ەنگىزگەننەن كەيىن ءبىر ايدا (18.04.2024 ج.) eGov mobile ارقىلى 35 342 ءوتىنىش بەرىلسە, 15.11.2024 ج. بەرىلگەن وتىنىشتەردىڭ سانى 168 250 قۇراعان.سونىمەن قاتار ازاماتتاردىڭ ءداستۇرلى قاعاز جۇزىندە ءوزىن-ءوزى شەكتەۋگە ءوتىنىش بەرۋدەن ءموبيلدى قوسىمشا ارقىلى ونلاين ءوتىنىش بەرۋگە بىرتىندەپ كوشۋى بايقالادى.