بەلگىلى قالامگەر, كورنەكتى كوسەمسوز شەبەرى, قازاق سپورت جۋرناليستيكاسىنىڭ نەگىزىن قالاۋشى سەيداحمەت بەردىقۇلوۆ اتىنداعى ءداستۇرلى بايقاۋعا ماتەريالدار قابىلدانا باستادى, دەپ جازادى Egemen.kz.
بۇل تۋرالى ۆەدومستۆونىڭ سپورت جانە دەنە شىنىقتىرۋ ىستەرى كوميتەتى بىرەر اپتا بۇرىن حابارلاعان.
ايتا كەتسەك, اتالعان بايقاۋعا كەز كەلگەن باق وكىلدەرى سپورت تاقىرىبىنداعى ماتەريالدارىن ۇسىنا الادى. وتىنىمدەر وسى جىلدىڭ 1 جەلتوقسانىنا دەيىن قابىلدانادى.
كونكۋرس جىلداعىداي جەلتوقسان ايىنىڭ ەكىنشى جارتىسىندا ءۇش نوميناتسيا بويىنشا وتكىزىلەدى: 1. «ۇزدىك سپورتتىق تەلەۆيزيالىق رەپورتاج»; 2. «ۇزدىك سپورتتىق جاريالانىم»; 3. «ۇزدىك سپورتتىق فوتورەپورتاج».
«وتىنىشتەر مەن ماقالالار استانا قالاسى, ماڭگىلىك ەل كوشەسى, 8 ءۇي, 6 قابات, سپورت جانە دەنە شىنىقتىرۋ ىستەرى كوميتەتىنىڭ ءباسپاسوز قىزمەتىنە نەمەسە sportpress86@mail.ru ەلەكتروندىق پوشتاسى ارقىلى («2024 جىلعى س.بەردىقۇلوۆ اتىنداعى بايقاۋعا» دەگەن بەلگىمەن) قابىلدانادى», دەلىنگەن حابارلامادا.