جەزقازعان قالاسىنداعى «قارلىعاش» سوماتيكا ءساناتوريى جانىنان نەيروورتوپەديالىق كەمشىلىكتەرى بار, 3 پەن 18 جاس ارالىعىنداعى بالالارعا ارنالعان «QH» مەملەكەتتىك وڭالتۋ ورتالىعى اشىلدى. ىزگى ءىس-شارا «قازاقستان حالقىنا» قورىنىڭ قامقورلىعى ارقاسىندا مۇمكىن بولدى. ويتكەنى ورتالىقتى ارنايى قۇرال-جابدىقتارمەن جاراقتاندىرۋدى وسى قور ءوز مىندەتىنە الىپ وتىر.
ۇلىتاۋ وبلىسى اكىمدىگىنىڭ قولداۋىمەن جوندەۋ جۇمىستارى جۇرگىزىلگەن عيماراتتا ەمدەلۋشىلەرگە بارلىق جاعداي جاسالعان. جاڭا ورتالىقتا جىلىنا 600 بالانىڭ ەم قابىلداۋ مۇمكىندىگى بار. مۇندا ماماندار الەۋمەتتىك مەديتسينالىق ساقتاندىرۋ جۇيەسى اياسىندا تەگىن قىزمەت كورسەتەدى.
– ورتالىقتا جوعارى دەڭگەيدەگى دارىگەر-نەۆرولوگتەر, رەابيليتولوگتەر, لوگوپەدتەر, ەمدىك دەنەشىنىقتىرۋ نۇسقاۋشىلارى, دەفەكتولوگتەر, ەڭبەك تەراپەۆتتەرى, پسيحولوگتەر جۇمىس ىستەيدى. مامانداردى وقىتۋ بىرنەشە كەزەڭدە, سونىڭ ىشىندە شەتەلدىك تالىمگەرلەردى تارتا وتىرىپ جۇرگىزىلەدى, – دەيدى ۇلىتاۋ وبلىسى دەنساۋلىق ساقتاۋ باسقارماسى ءباسپاسوز قىزمەتىنىڭ جەتەكشىسى گاۋھار ساعىندىقوۆا.
ورتالىقتىڭ اشىلۋ سالتاناتىنا ۇلىتاۋ وبلىسىنىڭ اكىمى د.رىسپەكوۆ, «قازاقستان حالقىنا» قوعامدىق قورىنىڭ باسقارما توراعاسى ب.جامىشەۆ, باسقا دا جاۋاپتى تۇلعالار قاتىستى.
جەزقازعان