پرەمەر-مينيستر ولجاس بەكتەنوۆتىڭ توراعالىعىمەن وتكەن ۇكىمەت وتىرىسىندا جىلۋ بەرۋ ماۋسىمىنداعى ءورت قاۋىپسىزدىگى ماسەلەسى قارالدى, دەپ حابارلايدى Egemen.kz.
ولجاس بەكتەنوۆ پروفيلاكتيكالىق ءىس-شارالاردى ساپالى ىسكە اسىرۋ جانە قاۋىپسىزدىك تالاپتارىنىڭ ساقتالۋىن باقىلاۋ قاجەتتىگىنە نازار اۋداردى.
سونىمەن قاتار توتەنشە جاعدايلار مينيسترلىگىنە گاز تەحنيكالىق ينسپەكتسيانىڭ وكىلەتتىگىن كۇشەيتۋ جۇمىستارىن جۇرگىزۋ, ال اكىمدىكتەرگە مينيسترلىكپەن بىرلەسىپ ءورت قاۋىپسىزدىگى ايلىق شاراسىن ۇيىمداستىرۋ تاپسىرىلدى.
ء«بىرىنشى كەزەكتە, حالىقتىڭ الەۋمەتتىك وسال توپتارىنىڭ ۇيلەرىن ەسەپكە العان ءجون. ولار ەرەكشە باقىلاۋ ايماعىندا بولۋعا ءتيىس. وسىنداي ۇيلەردىڭ بارلىعىنا گاز داتچيكتەرىن تەگىن ورناتۋ قاجەت. الايدا جەتىسۋ, اقمولا, اقتوبە وبلىستارىنىڭ جانە الماتى قالاسى اكىمدىكتەرىنىڭ بۇل باعىتتاعى جۇمىستارى ماردىمسىز ەكەنىن اتاپ وتكىم كەلەدى. 2%-دان 14%-عا دەيىن عانا قامتىلعان. اتالعان اكىمدىكتەر داتچيكتەر ورناتۋ بويىنشا جۇمىستى كۇشەيتۋى كەرەك», دەدى ولجاس بەكتەنوۆ.