ونىڭ ىشىندە پوليتسيا قىزمەتكەرلەرىمەن 46 قىلمىس اشىلىپ, ۇرلىققا قاتىسى بار 25 كۇدىكتى تۇلعاعا قاتىستى قىلمىستىق ءىس سوتقا جولداندى. بۇل تۋرالى ب.قۇرانبەك اتىنداعى جۋرناليستەر ۇيىندە وتكەن ءباسپاسوز-ءماسليحاتىندا وبلىستىق پد كريمينالدىق پوليتسيا باسقارماسى باستىعىنىڭ ورىنباسارى مادي باعدات باياندادى, دەپ حابارلايدى Egemen.kz.
21 جابىرلەنۋشىگە ۇرلانعان مالدارى قايتارىلىپ, كۇدىكتىمەن تاتۋلاسۋىنا بايلانىستى قىلمىستىق قۋدالاۋ توقتاتىلعان. 12 قىلمىس بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر. جەدەل ىزدەستىرۋ ءىس-شارالارى ناتيجەسىندە ۇرلانعان 259 مالدىڭ 153-ءى تابىلىپ, مال يەلەرىنە قايتارىلدى.
اتاپ وتەيىك, بۇگىندە 2023-2024 جىلدارعا ارنالعان مال ۇرلىعىنىڭ الدىن الۋ تيىمدىلىگىن ارتتىرۋ جونىندەگى بىرلەسكەن ءىس-شارالار جوسپارىنا سايكەس جۇمىستار جۇرگىزىلۋدە.
سپيكەر ءوز سوزىندە مالدىڭ بارلىق تۇرلەرىن مىندەتتى تۇردە چيپتەۋ ماسەلەسىن دە اتاپ ءوتتى. چيپپەن بەلگىلەۋ مالدى 100% ەسەپكە الۋعا, ولاردىڭ جاي-كۇيىن باقىلاپ وتىرۋعا مۇمكىندىك بەرەدى. ودان بولەك, جىلقىعا ارنالعان سپۋتنيكتىك GPS ترەكەر باقىلاۋ جۇيەسىن ورناتىپ مالدارىن ساقتاپ قالۋعا مۇمكىندىك بەرەتىنى جايلى حالىق اراسىندا ءتۇسىندىرۋ جۇمىستارى ءجيى جۇرگىزىلىپ جاتىر.