جارىلعان قازاندىق امانگەلدى اۋدانىنىڭ ورتالىعىنداعى 2 قاباتتى ءۇش تۇرعىن ءۇيدى جانە سوت, مۇراجاي, مادەنيەت ءۇيىن جىلىتادى, دەپ حابارلايدى Egemen.kz.
وقيعا سالدارىنان 1969 جىلى تۋعان ازامات جاراقات العان.
«ناۋقاستى ارقالىق قالاسىنداعى وڭىرلىك اۋرۋحاناعا جەتكىزۋ ماسەلەسى شەشىلىپ, ساناۆياتسيا ارقىلى اۋدان ورتالىعىنا انەستەزيولوگ ماماندار بريگاداسى جىبەرىلدى. ءبىر تاۋلىك ىشىندە كونتەينەرلىك تيپتەگى بلوكتىك-مودۋلدىك قازاندىق ورناتىلادى. جىلۋ جۇيەسىن قالپىنا كەلتىرۋ جۇمىستارى ءجۇرىپ جاتىر. جىلۋسىز قالعان ۇيلەر ەلەكتر قۋاتى ارقىلى جۇمىس ىستەيتىن جىلىتۋ قۇرىلعىلارىمەن قامتاماسىز ەتىلدى. تۇرعىندار جىلۋسىز قالمايدى», دەدى امانگەلدى اۋدانىنىڭ اكىمى قانات كەدەلباەۆ.