مەملەكەت باسشىسى قاسىم-جومارت توقاەۆ فرانتسياعا مەملەكەتتىك ساپارى بارىسىندا Orano S.A. كومپانياسىنىڭ پرەزيدەنتى نيكوليا ماستى قابىلدادى, دەپ حابارلايدى Egemen.kz.
قاسىم-جومارت توقاەۆ Orano S.A. كومپانياسىنىڭ قازاقستانمەن ەنەرگەتيكا سالاسىنداعى ىنتىماقتاستىعىن ودان ءارى دامىتۋدا الەۋەتى زور ەكەنىنە نازار اۋداردى.
مەملەكەت باسشىسى اتالعان سەرىكتەستىك ەلىمىزدە جوعارى تەحنولوگيانى ىلگەرىلەتۋگە, سونىمەن قاتار فرانتسيانى قاۋىپسىز ءارى سەنىمدى تابيعي ۋرانمەن قامتاماسىز ەتۋگە مۇمكىندىك بەرەتىنىن اتاپ ءوتتى.
كەزدەسۋدە عىلىمي-تەحنيكالىق, سونداي-اق سيرەك كەزدەسەتىن مەتالل ءوندىرۋ مەن وڭدەۋ سالاسىنداعى قازاق-فرانتسۋز ستراتەگيالىق سەرىكتەستىگىن نىعايتۋ پەرسپەكتيۆالارى تالقىلاندى.
Orano S.A. – حالىقارالىق ءىرى ونەركاسىپ كومپانياسى, فرانتسياداعى اتوم ونەركاسىبىنىڭ كوشباسشىسى. بىلتىر كومپانيانىڭ كىرىسى 4,8 ميلليارد ەۋرونى قۇرادى.