مەملەكەت باسشىسى قاسىم-جومارت توقاەۆ Électricité de France (EDF) كومپانياسىنىڭ باس ديرەكتورى ليۋك رەموندى قابىلدادى, دەپ حابارلايدى Egemen.kz.
پرەزيدەنت قاسىم-جومارت توقاەۆ Électricité de France كومپانياسىنىڭ باس ديرەكتورى ليۋك رەمونمەن كەزدەسۋ بارىسىندا ەنەرگەتيكا سالاسىنداعى ىنتىماقتاستىق پەرسپەكتيۆاسىن تالقىلادى.
مەملەكەت باسشىسىنا اتوم ەلەكتر ستانتسيالارىن باسقاراتىن الەمدەگى ەڭ ءىرى كومپانيانىڭ قازىرگى قىزمەتى مەن جوسپارى تۋرالى مالىمەت بەرىلدى.
پرەزيدەنت جالپىۇلتتىق رەفەرەندۋم ناتيجەسىندە قازاقستان ازاماتتارىنىڭ باسىم بولىگى ەلىمىزدەگى العاشقى اتوم ەلەكتر ستانتسياسىنىڭ قۇرىلىسىنا قولداۋ بىلدىرگەنىن ايتتى. فرانتسۋز كومپانياسى اەس قۇرىلىسىنا ارنالعان يادرولىق تەحنولوگيالاردى الەۋەتتى جەتكىزۋشىلەردىڭ قىسقا تىزىمىنە ەنەدى.
قاسىم-جومارت توقاەۆ ەلىمىزدە وسى ماڭىزدى جوبانى جۇزەگە اسىرۋدىڭ ىقتيمال مودەلى رەتىندە حالىقارالىق كونسورتسيۋم قۇرۋ مۇمكىندىگى قاراستىرىلىپ جاتقانىن اتاپ ءوتتى.
ليۋك رەمون ءوز كەزەگىندە «قازاتومونەركاسىپ» كومپانياسىمەن ءوزارا ءتيىمدى سەرىكتەستىكتى جالعاستىرۋعا نيەتتى ەكەنىن راستادى. سونداي-اق جاڭارتىلاتىن ەنەرگيا كوزدەرى سالاسىنداعى پەرسپەكتيۆتى جوبالاردى جۇزەگە اسىرۋعا قاتىستى ويىمەن ءبولىستى.
EDF – ەلەكتر قۋاتىن وندىرۋمەن جانە تاراتۋمەن اينالىساتىن فرانتسيانىڭ مەملەكەتتىك كومپانياسى. كومپانيا 67 اتوم رەاكتورىن باسقارادى, ونىڭ 56-سى – فرانتسيادا, 9-ى – ۇلىبريتانيادا, 2-ءى قىتايدا ورنالاسقان (بۇل – الەمدە پايدالانىلاتىن اتوم ەلەكتر ستانتسيالارىنىڭ جيىنتىق قۋاتىنىڭ شامامەن 18 پايىزى). كومپانيا فرانتسيادا تاعى 14 رەاكتور سالۋدى جوسپارلاپ وتىر.