وسى جىلدىڭ 10 ايىندا ۇن ونىمدەرىن تاسىمالداۋ سوڭعى 5 جىلداعى جىلدىق كورسەتكىشتەردەن اسىپ, 2,9 ملن توننانى قۇرادى, بۇل وتكەن جىلدىڭ وسى كەزەڭىمەن سالىستىرعاندا 11% ءوسۋدى بىلدىرەدى, دەپ حابارلايدى Egemen.kz.
ءداندى داقىلداردى وڭدەۋ جانە ۇن جونەلتۋ بويىنشا كوشباسشى - قوستاناي وبلىسى, ول جالپى تيەۋدىڭ 50%-ىن قۇرايدى, ەكىنشى ورىنعا 17%-بەن اكمولا وبلىسى ورنىققان.
سونىمەن قاتار قىركۇيەك-قازان ايلارىندا جاڭا ەگىستىكتەن ءداندى داقىلداردى وڭدەۋدەن جارتى ملن توننادان استام ءونىم تاسىمالداندى.
«قازاقستان تەمىر جولى» ۇك» اق دەرەكتەرىنە سايكەس, ۇن ونىمدەرىن تاسىمالداۋدىڭ نەگىزگى باعىتتارى ورتالىق ازيا ەلدەرى, وتاندىق ۇننىڭ يمپورتى بويىنشا كوشباسشىلار - اۋعانستان (788 مىڭ توننا), وزبەكستان (454 مىڭ توننا), تاجىكستان (57 مىڭ توننا), تۇركمەنستان (28 مىڭ توننا) جانە قىرعىزستان (23 مىڭ توننا).
قىتاي نارىعى دا وڭ سەرپىندى كورسەتىپ, وسى جىلدىڭ 10 ايىندا جارتى ملن توننادان استام ءونىم تاسىمالدانىپ, وتكەن جىلمەن سالىستىرعاندا 48% ءوستى.
جابىق ۆاگونداردىڭ پاركى ۇن ونىمدەرىن تاسىمالداۋدى قامتاماسىز ەتۋ ءۇشىن جەتكىلىكتى جانە 15 مىڭ ۆاگوننان اسادى.
«قازاقستان تەمىر جولى» ۇك» اق جانە ايماقتاردا ءداندى داقىلدار مەن ۇن ونىمدەرىن تاسىمالداۋ بويىنشا ماسەلەلەردى شەشۋ جانە ءداندى داقىلدار جۇكتەرىن تاسىمالداۋدى باقىلاۋدى قامتاماسىز ەتۋ ءۇشىن ارنايى جۇمىس توبى قۇرىلعان.