سينگاپۋردا جۇزۋدەن الەم كۋبوگىنىڭ ءبىرىنشى كەزەڭى باستالدى. جارىستىڭ العاشقى كۇنىندە وتانداستارىمىز ەكى ۇلتتىق رەكورد ورناتتى, دەپ جازادى Egemen.kz.
بۇل تۋرالى ۇلتتىق وليمپيادالىق كوميتەت حابارلادى.
ادەلايدا پچەلينتسەۆا 100 مەتر قاشىقتىقتا براسس ادىسىمەن جۇزۋدە جاڭا رەكورد ورناتتى. ونىڭ قورىتىندى كورسەتكىشى 01:07.74-كە تەڭ بولدى.
ال عالىمجان بالابەك 400 مەتر قاشىقتىقتا ەركىن ستيلدە جۇزۋدەن قازاقستان رەكوردىن 03:47.52 ناتيجەسىمەن جاڭارتتى.
ەگور پوپوۆ الەم كۋبوگىنىڭ فينالىندا 200 مەتر قاشىقتىقتا ارقامەن جۇزۋدەن بەسىنشى بولىپ مارەگە جەتتى.