ۇلتتىق قاۋىپسىزدىك كوميتەتىنىڭ شەكارا قىزمەتى قازان ايىندا مەملەكەتتىك شەكارا ارقىلى زاڭسىز الىپ ءوتۋدىڭ 1435 ارەكەتىن تىركەدى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
ۇقك مالىمەتىنشە, شەكارا كەڭىستىگىندە 4 640 زاڭ بۇزۋشى ۇستالعان, ونىڭ ىشىندە: 27 شەتەل ازاماتى شەكارانى بۇزعانى ءۇشىن; 30 شەتەل ازاماتى شەكارانى بۇزۋعا ارەكەتتەنگەنى ءۇشىن.
«شەكارا ارقىلى 1 435 زاڭسىز الىپ ءوتۋ فاكتىسىنىڭ الدىن الىندى, ونىڭ ىشىندە: 41 فاكتى – ەسىرتكى زاتى; 91 فاكتى – اتۋ قارۋى مەن وق-ءدارى (1 دانا اتىس, 3 دانا گازدى جانە 25 دانا سۋىق قارۋ, 123 دانا وق-ءدارى, 41 دانا ەلەكتروشوكەر); 23 فاكتى – ءدىني ادەبيەت (2 001 دانا); 459 فاكتى – جالپى سوماسى 9 ملن تەڭگەدەن اساتىن جانار-جاعارماي ماتەريالى (43 000 ليتردەن استام); 616 فاكتى – جالپى سوماسى 3,4 ملرد تەڭگەدەن اساتىن حالىق تۇتىنۋ تاۋارى (سونىڭ ىشىندە كيىك مۇيىزدەرى 1,5 ملرد تەڭگەگە جۋىق, تەمەكى بۇيىمدارى 377 ملن تەڭگەدەن استام); 204 فاكتى – جالپى سوماسى 1,8 ملرد تەڭگەدەن استام شەتەل ۆاليۋتاسى», دەلىنگەن حابارلامادا.
سونىمەن قاتار كاسپي اكۆاتورياسىندا 57 براكونەرلىك فاكتىسىنىڭ جولى كەسىلگەنى اتاپ ءوتىلدى.
«سونداي-اق: 31 دانا – ءجۇزۋ قۇرالى; 70 كم تور – براكونەرلىك اۋلاۋ قۇرالى;299 دانا (1 765,1 كگ) – بەكىرە تۇقىمداس بالىق; 904 دانا (2 165 كگ) – تازا تۇقىمداس بالىق; 13 دانا – يتبالىق. الدىن الىنعان زالال سوماسى شامامەن 671 ملن تەڭگەنى قۇرادى», دەپ حابارلادى ۇقك.
بۇل فاكتىلەر بويىنشا ماتەريالدار بۇزۋشىلاردى جاۋاپكەرشىلىككە تارتۋ ءۇشىن قۇقىق قورعاۋ جانە سوت ورگاندارىنا جىبەرىلگەن.ايتا كەتەيىك, مەملەكەتتىك شەكارادا قانداي-دا ءبىر شەكتەۋ شارالارى ەنگىزىلمەگەن, بارلىق وتكىزۋ پۋنكتى شتاتتىق رەجيمدە جۇمىس ىستەپ جاتىر.