الماتىدا مەگاپوليستىڭ اگلومەراتسيامەن كولىك بايلانىسىن ارتتىرۋ اياسىندا 1 قاراشادان باستاپ قالا ماڭىنداعى قوعامدىق كولىكتەردىڭ تاعى ءۇش باعىتى ىسكە قوسىلدى. جاڭا اۆتوبۋستار قاسكەلەڭ مەن ۇزىناعاشقا قاتىنايتىن بولادى, دەپ حابارلايدى Egemen.kz.
ۇزىناعاش اۋىلى اۆتوۆوكزالى – تولە بي – ياسساۋي ارالىعىنداعى №245 باعىت بويىنشا سىيىمدىلىعى جوعارى 25 اۆتوبۋس قاتىنايتىن بولادى. قوزعالىس 5:45-تە باستالىپ, 23:00-دە اياقتالادى. تاسىمالداۋشى – «ەكوبۋس سەرۆيس» جشس.
قاسكەلەڭنەن «سالەم» بازارىنا دەيىنگى №254 باعىتتا 16 اۆتوبۋس قاتىنايدى. قوزعالىس 5:50-دە باستالىپ, 23:00-دە اياقتالادى. تاسىمالداۋشى – «مادينا» جشس.
ب.مومىش ۇلى مەترو ستانتسياسىنان دولان اۋىلىنا دەيىنگى №239 باعىتتا 18 اۆتوبۋس قاتىنايدى. قوزعالىس 5:30 باستالىپ, 23:01-دە اياقتالادى. تاسىمالداۋشى – «Neo City Trans» جشس.
ايتا كەتەيىك, جول ءجۇرۋ اقىسى قالالىق مارشرۋتتارداعىداي 120 تەڭگە. بارلىق اۆتوبۋستار «وڭاي» ەلەكتروندى بيلەت جۇيەسىمەن جابدىقتالعان.