بيىل 28 جاس مامان شىعىس قازاقستان وبلىسىنىڭ شالعاي اۋداندارىنىڭ مەديتسينالىق قۇرامىن تولىقتىردى, دەپ حابارلايدى Egemen.kz.
«جاس مامانداردىڭ كەلۋىمەن ءبىزدىڭ اۋرۋحانا مەديتسينالىق قىزمەتتەردىڭ ساپاسىن جاقسارتىپ قانا قويماي, دياگنوستيكا مەن ەمدەۋدە, سەرۆيس بولىگىندە يننوۆاتسيالار ەنگىزىپ جاتىر. ءوز جەرلەستەرىنە قىزمەت ەتۋ جولىن تاڭداعان جاستار - ءبىزدىڭ مەديتسينالىق بولاشاعىمىزدىڭ نەگىزى», دەدى تارباعاتاي اۋرۋحاناسىنىڭ باس دارىگەرى ەلجان ماناربەكوۆ.
شالعاي اۋدانداردا جۇمىس ىستەيتىن جاس دارىگەرلەرگە مەملەكەتتىك الەۋمەتتىك قولداۋ كورسەتىلەدى. مامانداردى ىڭعايلى بەيىمدەۋ ءۇشىن الەۋمەتتىك جەڭىلدىكتەر, كوتەرمە تولەمدەر جانە تۇرعىن ءۇي كوزدەلگەنىن ايتا كەتۋ كەرەك.