وقيعا اقتوبە وبلىسىنداعى حرومتاۋ كەن بايىتۋ كومبيناتىندا بولعان, دەپ حابارلايدى Egemen.kz.
حرومتاۋداعى دونسكوي تاۋ-كەن بايىتۋ كومبيناتىندا كارەردە جول-كولىك اپاتىنان ەكى جۇمىسشى قازا تاپتى. بۇل اقپاراتتى كاسىپورىننىڭ ءباسپاسوز قىزمەتى راستادى.
- جول-كولىك اپاتىنان كاسىپورىننىڭ ەكى قىزمەتكەرى كوز جۇمدى. وقيعا تۋرالى مەملەكەتتىك ورگاندارعا حابارلاندى, تەرگەۋ باستالدى, – دەلىنگەن حابارلامادا.
كومپانيا قازا تاپقانداردىڭ وتباسىلارىنا كومەك كورسەتۋگە ۋادە بەردى.